काश्मीरनंतर हिमाचल प्रदेशाला निर्सगाची फार मोठी देणगी लाभली आहे. काश्मीरनंतर पर्यटकांची वाट हिमाचल प्रदेशकडे वळते. चारी बाजूने डोंगर, हिरवेगार जंगल,वाहता झरा, शुद्ध हवा यामुळे हिमाचलला पर्यटकांची संख्या वर्षानुवर्षे वाढू लागली आहे. दरवर्षी लाखोंच्या संख्येत पर्यटक हिमाचल प्रदेशात येत असतात. शहरातील धावपळीला विराम देत लोक क्षणभर विश्रांतीसाठी हिमाचल प्रदेश गाठतात. याच हिमाचल प्रदेशमध्ये फिरण्यासारखी अनेक शहरे आहेत.

हिमाचल प्रदेशमध्ये फिरायचं असेल तर डलहौजी, धर्मशाला, शिमला, मनाली आणि कसोल या सारख्या शहरात पर्यटकांची वर्दळ पाहायला मिळते. हिमाचल प्रदेश अनेक शांत ठिकाण देखील आहेत. या हिमाचल प्रदेशमध्ये सुंदर हिल स्टेशनची सोशल मीडियावर जोरदार चर्चा होत आहे.

कल्पा हिल स्टेशन

हिमाचल प्रदेशमधील किन्नोर जिल्ह्यात सुंदर हिल स्टेशन आहे. सतलुज नदीजवळ कल्पा हिल स्टेशन वसलं आहे. शिमलापासून जवळपास २६० किलोमीटर दूर आणि सोलनपासून २२५ किलोमीटर दूर अंतरावर आहे. तुम्हाला वर्दळीच्या ठिकाणापासून दूर जायचं असेल, कल्पा हिल स्टेशन तुमच्यासाठी बेस्ट आहे. या हिल स्टेशनवर अनेक मंदिर आणि मठ आहेत. त्यामुळे या हिल स्टेशनला धार्मिक महत्व प्राप्त झालं आहे. कल्पा हे किन्नर कैलाशपासून १२ किलोमीटर अंतरावर आहे.

कल्पाजवळ कामरु किल्ला आहे. या किल्ल्यावरून आजूबाजूचा सुंदर परिसर दिसतो. सपनी किल्ला, सांगला पात्र देखील जवळच आहे. या भागात भिंतीवर सुंदर चित्र काढण्यात आले आहेत. हिल स्टेशनवरून सुंदर निसर्ग पाहायला मिळतो. कल्पामध्ये सफरचंदाचे बाग आहेत. कल्पाजवळ चाका नावाची सुंदर जागा आहे. या ठिकाणाला चक्का नावानेही ओळखलं जातं. चक्का हे ट्रेकिंसाठी ओळखलं जातं.

कल्पा हिल स्टेशनला कसं पोहोचणार?

तुम्ही शिमला विमानतळावर पोहोचला. त्यानंतर शिमलाहून खासगी वाहन तयार करून कल्पा येथे पोहोचू शकतात. चंडीगडपासून कल्प ३३० किलोमीटर दूर आहे. चंडीगडहून रिकांग पियो जाऊ शकता. तिथून कल्पा ७ किलोमीटर दूर आहे. रिकांग पियो येथून खासगी वाहनाने कल्पाला पोहचू शकता. तुम्ही सोलनपासून टॅक्सीने जाऊ शकता.