गेल्या काही वर्षांत भारतात किडनीच्या आजारांचे प्रमाण झपाट्याने वाढताना दिसतायत. चुकीची लाईस्टाईल, अयोग्य आहार यांच्यामुळे या आजारात वाढ होताना दिसतेय. पॅकेज्ड किंवा प्रोसेस्ड अन्नाचे जास्त सेवन, पुरेसे पाणी न पिणे, जीवनशैली, चहा-कॉफीचे अति सेवन, सतत एकाच जागी बसून काम करणं अशा अनेक सवयींचा थेट परिणाम किडनीवर होत आहे.

ज्यावेळी आपल्याला कोणतीही समस्या होणार असेल तेव्हा शरीर काही ना काही संकेत देत असतं. त्याचप्रमाणे किडनी बिघडण्यापूर्वी शरीर काही संकेत देतं. हे संकेत वेळेत ओळखलं तर किडनीचे नुकसान टाळता येऊ शकते.

किडनी शरीरातील फिल्टरसारखे काम करते. जेव्हा किडनी नीट कार्य करत नाही, तेव्हा शरीरातील घातक घटक म्हणजेच टॉक्सिन्स बाहेर निघत नाहीत आणि शरीरातच साचू लागतात. शरीरात टॉक्सिन्स जमा झाल्यास चेहऱ्यावर सूज येऊ शकते. कोणताही संसर्ग किंवा इतर कारण नसताना चेहऱ्यावर सूज दिसत असल्यास ते दुर्लक्षित करू नका.

पाय सुजणं

अचानक आणि कोणतेही कारण नसताना पाय सुजणं हा देखील किडनी खराब होण्याचा मोठा इशारा असू शकतो. पाय सुजल्यावर घरगुती उपाय करण्याऐवजी त्वरित डॉक्टरांचा सल्ला घ्यावा.

लघवीत फेस दिसणं

सलग अनेक दिवस लघवीत फेस दिसत असल्यास ते किडनीच्या समस्येचे लक्षण असू शकते. याकडे दुर्लक्ष केल्यास स्थिती गंभीर होऊ शकते.

लघवीतून रक्त

लघवीत रक्त येणे ही अतिशय गंभीर लक्षण आहे. हे किडनी बिघडल्याचे मोठे चिन्ह मानले जाते, त्यामुळे अशा वेळी तातडीने वैद्यकीय तपासणी करणे गरजेचे आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.