सध्या थंडीचे दिवस सुरु झाले आहेत. थंडीत अनेकांना खूप जास्त त्रास होतो.थंडीत हृदयाच्या रुग्णांना खूप त्रास होतो. त्यामुळे अनेकदा हॉर्ट अॅटॅक, हॉर्ट ब्लॉकेजचा त्रास होऊ शकतो. विशेषतः थंडीच,हृदयाचा आजार असणाऱ्या लोकांनी काळजी घ्यायची असते. हृदयाचा आजार असणाऱ्या लोकांनी काय काळजी घ्यावी याबाबत डॉ. हर्षल इंगळे, हृदयरोग तज्ञ(रुबी हॉल हॉस्पिटल)यांनी माहिती दिली आहे.

थंडीमध्ये आपल्या शरीरातील रक्तवाहिन्या गोठण्याचे प्रमाण खूप जास्त असते. वाढत्या थंडीमुळे हा त्रास होऊ शकतो.ज्यावेळी आपल्या शरीरात रक्ताच्या गुठल्या होतात तेव्हा हृदयावर जास्त ताण येण्याची शक्यता असते.या काळात हृदयाला थोडा जास्त पम्प करावे लागते, त्यामुळे रक्तदाबदेखील वाढू शकतो.

थंडीच्या काळात आपलं खाणं खूप जास्त होतं. त्यामुळेदेखील अनेकदा त्रास होतो. थंडीच्या काळात नेहमी गरम,ऊबदार कपडे घालावेत.रात्रीच्या वेळी शक्यतो बाहेर पडू नये. रात्री खूप जास्त थंडी असते, त्यामुळे शरीराला खूप त्रास होऊ शकतो. त्यामुळे ऊबदार कपडे, हातात हातमौजे घालून बाहेर पडावे.ज्या गोष्टींनी शरीराला हिट मिळेल, असे पदार्थ खावेत. थंडीच्या दिवसात अक्रोड, बदाम या पदार्थांचा तुमच्या आहारात समावेश करावा.

थंडीत हृदयविकाराच्या आजाराचे प्रमाण वाढते का?

थंडीत हृदयविकाराचे रुग्ण जास्त प्रमाणात वाढतात. थंडीत आपल्या रक्तवाहिन्या आकुंचन पावतात.रक्तवाहिन्या आकुंचन पावल्यामुळे शरीराला रक्तपुरवठा होण्यासाठी अडथळे निर्माण होतात. त्यामुळे हृदयविकाराचे आजार होण्याची शक्यता असते.

थंडीत काळजी कशी घ्यावी?

थंडीत तुम्ही आहारात पथ्य पाळले पाहिजेत. आहारात ड्रायफ्रुट्सचा समावेश करायला हवा.शरीरात हिट राहणाऱ्या पदार्थांचा समावेश करायला हवा.

ज्या लोकांना ब्लड प्रेशर, डायबिटीजचा त्रास आहे त्यांनी कशी काळजी घ्यायला हवी?

हृदयविकाराचा आजार होण्यासाठी कोणतेही वय उरले नाही. आदरा कोणालाही हृदयविकाराचा झटका येतो. त्यामुळे सर्वांनी विशेष काळजी घ्यायला हवी. - ⁠हृदयविकाराचा झटका येण्याचे प्रमाणही थंडीमध्ये जास्त असते

-थंडीमध्ये विशेषता पहाटेच्या वेळी तीन ते सहा या दरम्यान हृदयविकाराचा झटका येण्याचे प्रमाण जास्त असते त्याची शक्यता जास्त असते.सकाळच्या वेळी अनेकदा श्वास घ्यायला त्रास होतो. या सगळ्याकडे आपण दुर्लक्ष करायला नको. त्यामुळे पुढे भविष्यात त्रास होऊ शकतो.