How To Make Amla Pickle :

हिवाळा सुरु झाला की, आपल्याला सगळीकडे आवळा दिसू लागतो. आवळा हा आपल्या आरोग्यासाठी अतिशय लाभदायक. आयुर्वेदात आवळ्याला विशेष महत्त्व आहे. शरीराच्या अनेक आजारांवर आवळा हा बहुगुणी. केसगळतीच्या समस्यांपासून ते तोंडाला चव येणाऱ्यासाठी आवळा हा सगळ्यात फायदेशीर.

या काळात अनेक गृहिणी लोणचे बनवायला ट्राय करतात. वर्षभर टिकणारे आणि ताटाच्या डाव्या बाजूला वाढला जाणारा पदार्थ लोणचे. आवळा हा चवीला तुरट असतो. परंतु, त्याचे लोणचे हे अगदी चवीचवीने खाल्ले जाते. बहुतेकांना आवळ्याचे चव आवडत नाही. आवळ्याचे फायदे मिळवळ्यासाठी तुम्ही त्याचे लोणचे, चटणी किंवा मुरंबा बनवू शकता. पाहूया आवळ्याचे टेस्टी आणि झणझणीत लोणच्यांची रेसिपी

1. साहित्य | Ingredients

• आवळे २५० ग्राम (७-८) I Avla 250 gms (7-8)

• लसूण (Garlic) - १०-१२ पाकळ्या I Garlic Cloves 10-12

• मोहरी डाळ १०० ग्राम I Yellow Mustard 100 gms

• मिरची पावडर ३ चमचे I Red Chili Powder 3 tsp

• मीठ १-१.५ च I Salt 1-1.5 tsp

• हळद १ चमचा I Turmeric 1 tsp

• तेल - पाऊण वाटी/२०० ग्राम / I Oil ¾ cup /200 gms

• मेथी दाणे १/२ चमचा I Methi Dana ½ tsp

• हिंग १ चमचा I Asafoetida 1 tbsp

• बडीशेप - १ चमचा I Fennel Seeds 1 tbsp

2. कृती

• आवळ्याचे लोणचे बनवताना त्याला चांगले धुवून नीट पुसून सुकवून घ्या.

• नंतर आवळ्याचे आणि लसणाचे तुकडे करा.

• मोहरीची डाळ अर्धी मिक्सरमध्ये वाटून घ्या.

• त्यानंतर एका मोठ्या भांड्यात मोहरीची वाटलेली डाळ, मीठ, तिखट, हळद आणि हिंग घालून मिक्स करा.

• त्यात आवळा आणि लसणाचे तुकडे टाका. तेल गरम करुन त्यात मेथी दाणे, बडीशेप आणि हिंग घालून ढवळून घ्या. तयार मिश्रण थंड होऊ द्या.

• नंतर सर्व मिश्रण एकत्रित करुन नीट ढवळून घ्या. २ तासानंतर काचेच्या बरणीत भरा.