सध्या संपूर्ण देशभरात दिवाळीची तयारी आहे. उद्या धनत्रयोदशी असून लोकं खरेदीसाठी बाहेर पडली आहेत. या खरेदीमध्ये कपडे, भांडी तसंच खाण्यापिण्याच्या गोष्टींचाही समावेश असतो. दिवाळीच्या फराळासाठी लागणारे सर्वात मोठी गोष्ट म्हणजे सुकामेवा. या दिवसात सुकामेव्याची मागणी वाढत अअसल्याने यामध्ये भेसळ होण्याचं प्रमाणही वाढतं.

आज आम्ही तुम्हाला भेसळयुक्त सुकामेवा कसा ओळखायचा याची माहिती देणार आहोत. जाणून घेऊया तुम्ही याची ओळख कशी कराल?

बदाम

आहारतज्ज्ञांच्या सांगण्यांनुसार, कोणतेही ड्रायफ्रूट्स हे सुटे खरेदी करू नये. पॅक केलेले बदाम खरेदी करणे फायदेशीर असतं. बदाम उत्तम गुणवत्तेचा आहे ओळखण्यासाठी तो तळहातावर घासावा लागतो. त्यातून जर केसरी रंग निघाला तर समजा बदाम भेसळयुक्त आहे हे समजावं. वास्तविक बदाम फारसा चमकदार किंवा गडद रंगाचा नसतो. बदाम भिजवल्यानंतर पाण्याचा रंग तपकिरी झाला तर हे बदाम बनावटीचा असू शकतो.

काजू

भेसळयुक्त काजू अनेकदा वनस्पती तेलापासून बनवले जातात. या काजूंचा रंग पिवळा असेल आणि त्यात थोडे तेलही दिसून येईल. नकली काजू चघळण्याचा प्रयत्न करा, जर ते तुमच्या दातांना चिकटले तर काजू भेसळयुक्त आहेत हे समजावं.

अक्रोड

आहारतज्ज्ञांच्या म्हणण्यानुसार, अक्रोडचा गर कधीही विकत घेऊ नये. आता चांगला अक्रोड ओळखण्यासाठी तुम्हाला हे पहावे लागेल की संपूर्ण कवच असलेला अक्रोड काळ्या रंगाचं नसावं. अक्रोडाचा रंग हलका तपकिरी असतो.

पिस्ता

ड्रायफ्रुट्समध्ये सर्वात महाग हे पिस्ता मानले जातात. त्यामुळे याची भेसळही जास्त प्रमाणात करण्यात येते. पिस्ता हे हिरव्या-व्हायलेट रंगाचे असतात. अनेक वेळा जुन्या आणि खराब झालेल्या पिस्त्यांना नवा रंग देऊन बाजारात विकले जातात. पिस्ता ओळखण्यासाठी तुमच्या हातावर ते घासावे लागतील यावेळी जर पिस्ता हिरवा झाला तर तो बनावट आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत