फॅटी लिव्हरच्या समस्या दिवसेंदिवस वाढताना दिसत आहेत. लिव्हरमध्ये जास्त प्रमाणात फॅट जमा झाल्याने हा आजार निर्माण होतो. यामुळे लिव्हरवर सुज आणि ताण येऊन गंभीर नुकसान होऊ शकतं. तज्ज्ञांच्या मते, फॅटी लिव्हरच्या तपासण्यासाठी मोठमोठ्या चाचण्यांची गरज नसते. सुरुवातीच्या काही लक्षणांवरून आपण घरीच याचा अंदाज घेऊ शकतो. पुढे अगदी सोप्या पद्धतीने ही लक्षणे जाणून घ्या.

१. पोटावर वाढलेली चरबी

पोटाभोवती वाढलेली चरबी ही फॅटी लिव्हरची महत्त्वाची लक्षणं मानली जातात. विशेषत: व्हिसरल फॅट म्हणजेच आतड्याभोवती साचलेली चरबी ही शरीरात इन्सुलिन रेसिस्टन्स निर्माण होऊन लिव्हरमध्ये फॅम जमा होण्याचा धोका वाढवत असते.

२. पोटात सतत दुखणे

पोटात वारंवार stiffness, tenderness किंवा जेवणानंतर दाब जाणवणं, ही फॅटी लिव्हरची सुरुवातीची चिन्हे असू शकतात. लिव्हर मोठा झाल्यामुळे तो पोटावर ताण निर्माण करतो, ज्यामुळे सतत discomfort जाणवतो.

३. भूक न लागणे आणि मळमळ

जर सतत भूक लागत नसेल, खाण्याची इच्छा होत नसेल आणि वारंवार मळमळ होत असेल, तर हे देखील फॅटी लिव्हरचे सुरुवातीचे संकेत असू शकतात. यावेळी लिव्हर चरबीमुळे नीट कार्य करत नसतो.

४. त्वचा व केसांमधील बदल

मानेवर किंवा काखेत काळसर डाग (Acanthosis Nigricans) दिसणे, केस गळणे किंवा त्वचेवर खाज येणे, हे लिव्हर खराब होण्याचे लक्षण असू शकते. लिव्हर नीट कार्य न केल्याने शरीरात टॉक्सिन्स वाढतात व पित्तनिर्मिती बिघडते.

५. थकवा आणि दमल्यासारखे वाटणे

फॅटी लिव्हर असलेल्या रुग्णांना सतत थकवा जाणवतो. पुरेशी झोप आणि विश्रांती घेऊनही शरीराला ऊर्जा मिळत नाही. कारण, लिव्हर हेच शरीराचे ‘एनर्जी सेंटर’ असते आणि ते नीट काम न केल्यास शरीरात थकवा वाढतो. फॅटी लिव्हर हा आजार सुरुवातीला ओळखला तर त्यावर नियंत्रण ठेवता येते. संतुलित आहार, नियमित व्यायाम, मद्यपान टाळणे आणि पुरेशी झोप घेतल्यास लिव्हर निरोगी राहते. डॉक्टरांच्या मते, हे लक्षणे दिसल्यास वेळ न दवडता तज्ञांचा सल्ला घ्यावा.