उच्च रक्तदाब म्हणजे हाय ब्लड प्रेशर ही समस्या प्रत्येक कुटुंबातील एका व्यक्तीला असतेच. जर ब्लड प्रेशर वेळेवर नियंत्रणात ठेवलं नाही तर तुम्हाला हृदयविकार, स्ट्रोकसारखे जीवघेण्या आजारांना सामोरं जावं लागू शकतं. याचं कारण तुमच्या रोजच्या सवयीच आहेत. जसं की, एखाद्या गोष्टीचा जास्त विचार करून स्ट्रेस घेणं, जेवणात मीठाचं प्रमाण वाढवणं, लठ्ठपणा, मद्यपान किंवा धूम्रपान करणं. या सवयींमुळे रक्तदाब वाढतो असं जागतिक आरोग्य संघटनेने स्पष्ट केलं आहे.

उच्च रक्तदाब नियंत्रित ठेवायचा असेल तर औषधांसोबतच नैसर्गिक उपायही करून शकता. त्यासाठी रोजच्या आहारात काही पेयांचा (ड्रिंक्सचा) समावेश करावा लागेल. त्याने रक्तदाब कमी होतो आणि हृदयाचे व्यवस्थित काम करू लागतं. सकाळी उपाशीपोटी कोमट लिंबूपाणी सेवन करा. याने पचनक्रिया सुधारते आणि शरीरात असणारे विषारी घटक बाहेर पडतात. लिंबूपाण्यामुळे रक्तवाहिन्या सैल होतात, ज्याचा थेट फायदा हृदय सुरळीत काम करण्यावर होतो.

दुसरा उपाय म्हणजे जास्वंदाची चहा रोज पिणं. आयुर्वेदात या चहाला खूप महत्व आहे. रोजच्या रोज या चहाचं सेवन केल्याने सिस्टोलिक आणि डायस्टोलिक दोन्ही रक्तदाब कमी होतो, असं अनेक अभ्यासांतून समोर आलं आहे. त्याचप्रमाणे ग्रीन टी सुद्धा रक्तदाबासाठी फायदेशीर मानली जाते. कारण ग्रीन टीमध्ये असलेले अँटीऑक्सिडंट्स आणि कॅटेचिन्स रक्तवाहिन्यांचं कार्य सुधारतात आणि उच्च रक्तदाब नॅचरली कमी होतो.

बीटाचा रस हा सुद्धा रक्तदाब कमी करण्यासाठी खूप फायदेशीर मानला जातो. बीटामध्ये नैसर्गिक नायट्रेट्स भरपूर प्रमाणात असतात, जे शरीरात जाऊन नायट्रिक ऑक्साइडमध्ये रूपांतरित होतात. याने रक्तप्रवाह सुधारतो आणि रक्तदाब कमी होण्यास सुरुवात होते. तसेच डाळिंबाचा रसही हृदयासाठी फायदेशीर मानला जातो.

कारण डाळिंबामध्ये अँटीऑक्सिडंट्स आणि पॉलीफेनॉल्स मुबलक प्रमाणात असतात. यांचं काम म्हणजे ते उच्च रक्तदाब नियंत्रित करायला खूप मदत करातात. रोज डाळिंबाचा रस सेवन केल्यानं रक्तदाबात मोठ्या सुधारणा होऊ शकते असं संशोधनातून स्पष्ट झालं आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.