दिवाळी म्हटलं की घरोघर साफसफाई करण्यास सुरुवात होते. वर्षातील सर्वात मोठा सण असल्याने दिवाळी सुरू होण्याआधी प्रत्येक व्यक्ती घर स्वच्छ करतात. साफसफाईच्या कामांमध्ये किचनमधील भांड्यांपासून ते घरातील फर्निचरपर्यंत प्रत्येक वस्तू स्वच्छ केली जाते. आता लाकडी फर्निचर घरच्याघरी साफ करणे अनेक व्यक्तींना कठीण वाटते. मात्र काही सिंपल टिप्सने घरतील फर्निचर स्वच्छ करणे सहज सोपं आहे. त्याचीच माहिती आज जाणून घेणार आहोत.

सँडपेपरचा वापर

लाकडी फर्निचर साफ करण्यासाठी तुम्ही सँडपेपरचा वापर करू शकता. सँडपेपर एका बाजूने प्लेन आणि दुसऱ्या बाजून खरखरीत असतो. त्यामुळे याता वापर तुम्ही लाकडी वस्तूंची चकाकी वाढवण्यासाठी करू शकता. लाकडी वस्तूंवर असलेली धूळ आणि माती साफ करण्यासाठी तुम्ही या सँडपेपरचा वापर करू शकता. त्यासाठी सँडपेपर खरखरीत बाजूने लाकडावर घासून घ्या. असे करताच लाडकी वस्तूंवरील धूळ कमी होण्यास सुरुवात होईल.

मस्टर्ड ऑइल आणि लिंबाचा रस

तुम्ही मस्टर्ड ऑइल आणि लिंबाचा रस सुद्धा एकत्र करू शकता. मस्टर्ड ऑइल आणि लिंबाचा रस एकत्र करून घेतल्यावर एका ब्रशच्या सहाय्याने फर्निचरवर फिरवून घ्या. त्यानंतर कॉटनच्या कापडाने फर्निचर घासून घ्या. हा उपाय केल्याने फर्निचर अगदी नव्यासारखं चमकू लगतं.

व्हाइट व्हिनेगर

क्लिनींग हॅक्समध्ये तुम्ही व्हाइट व्हिनेगर सुद्धा वापरू शकता. व्हाइट व्हिनेगर फर्निचर साफ करण्यासाठी फार चांगलं आहे. यासाठी एक कप पाणी घ्या. पाण्यात व्हिनेगर मिक्स करा. हे पाणी एका स्प्रे असलेल्या बॉटलमध्ये भरून घ्या. त्यानंतर फर्निचरवर या बॉटलने स्प्रे करा. तसेच सुती कापडाने पुसून घ्या. अशा पद्धतीने तुमच्या फर्निचरमध्ये छान चमक येईल.