सध्याच्या लाइफस्टाइलमध्ये बदल झाल्यामुळे तरुणांपासून वृद्धांपर्यंत सगळ्यांनाच गंभीर समस्यांना सामोरं जावं लागतंय. अपूरी झोप, व्यायामाला आळस, जंक फूड खाण्याची सवय अनेकांना त्यांचा जीव गमवावा लागू शकतो. त्यातच आता कॉमन झालेला आजार ब्लड प्रेशर हा वाढत चालला आहे.

काहीजणांना ब्लड प्रेशरचा धोका जास्त असल्यामुळे आहारात बदल करावे लागतात. पण तुम्ही आहारातून मीठ काढून टाकलं असेल आणि ब्लड प्रेशर हाय होत असेल तर आत्ताच सावध होणं गरजेचं आहे. पण याला फक्त मीठचं कारणीभूत ठरत नाही. तज्ज्ञांनी पुढे ५ महत्वाची कारणे सांगितली आहेत.

डॉक्टरांच्या मते, ज्यांना किडनीच्या समस्या, मधुमेह, थायरॉइडच्या समस्या आणि हार्मोनल्समधील बदल यासर्व कारणांमुळे ब्लड प्रेशर वाढू शकतं. पण यामध्ये झोपेला खूप महत्व दिलं पाहिजे. कारण जे लोक सहा तासांपेक्षा कमी झोपतात त्.ांना हाय ब्लड प्रेशरच्या समस्यांना सामोरं जावं लागतं. यामध्ये झोपताना मोठ्याने घोरणं, सकाळी अचानक डोकं दुखणं आणि दिवसभर सतत थकवा जाणवणं ही धोक्याची लक्षणं असू शकतात.

स्ट्रेस हे सुद्धा BP वाढण्याचं कारण असू शकतं. कामाचा ताण, आर्थिक गोष्टींचा ताण आणि इमोशन स्ट्रेस शांतपणे तुमचं ब्लड प्रेशर वाढवू शकतं. तसेच तुमच्या आहारातली साखर तुमच्या BPवर परिणाम करते. म्हणजे तुम्ही शुगरी ड्रिंक्स, पॅकेबंद ज्यूस, मिठाई आणि प्रोसेस्ड स्नॅक्स याने वजन वाढतं आणि ब्लड प्रेशरचा त्रासही वाढतो.

एका जागी सतत बसल्याने शरीरावर गंभीर परिणाम होतो. त्याने ३० मिनिटं चालल्यावरही तुम्हाला फरक जाणवू शकतो. पण सध्या लोकांना हे कंटाळवाणं वाटतं. त्यामुळे तरुणांपासून वृद्धांपर्यंत BPच्या समस्या वाढत चालल्या आहेत.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.