Hand Foot Mouth Disease : लहान मुले म्हटले की, त्याच्या आहारासोबतच त्याच्या आरोग्याची काळजी देखील घेणे गरजेचे आहे. हल्ली बदलेल्या जीवनशैलीनुसार त्याचे खाणे-पिणे देखील बदलेले आहे. त्यात अनेक संसर्गजन्य व सामान्य वाटणाऱ्या आजारांनी मुलांना ग्रासले आहे. त्यामुळे पालकांना त्यांची सतत काळजी (Care) वाटत असते.

शाळा, खेळाचे मैदान, बाजार इत्यादी सार्वजनिक ठिकाणी संक्रमित मुलाच्या संपर्कात आल्याने इतर मुलांना संसर्ग होण्याचा धोका असतो. खरे तर हा संसर्गजन्य आजार आहे. हे सहसा सहा वर्षापर्यंतच्या मुलांना संक्रमित करते, परंतु नऊ ते दहा वयोगटातील मुलांना देखील याचा प्रादुर्भाव होऊ शकतो.

असाच एक आजार लहान मुलांमध्ये पुन्हा दिसून आला आहे. यात मुलांच्या हात, पाय व तोंडाला खाज लागते व फोड येऊ लागतात. असे दिसून आल्यास त्वरीत डॉक्टरांशी संपर्क साधावा. जाणून घेऊया, या आजाराबाबत

HFMD रोगाची लक्षणे काय आहेत?

- ताप येणे व जेवण्यात अडचण

- तोंडाच्या आत आणि बाहेर पुरळ आणि फोड

- हात आणि पायांवर पुरळ उठणे

- मुलांना (Child) घसा दुखण्याची तक्रार असते

डॉक्टरांचा सल्ला

या आजाराची लक्षणे दिसल्यावर ताबडतोब डॉक्टरांचा सल्ला घ्या, असे डॉक्टरांचे म्हणणे आहे. हा रोग पसरू शकतो, त्यामुळे मुलांना घरी ठेवा. एका मुलापासून अनेक मुलांना संसर्ग होऊ शकतो. ६-७ दिवसात या आजारातून मुले बरी होतात. मुलांना द्रव आणि फळे द्या. हा विषाणूजन्य आजार आहे, हा एक प्रकारचा नवीन आजार असल्याचे डॉक्टरांचे म्हणणे आहे. एचएफएमडी आजाराच्या उपचाराबाबत अद्याप फारशी माहिती उपलब्ध नाही, मात्र वेळीच डॉक्टरांना दाखवून त्याचा संसर्ग टाळता येऊ शकतो.

या गोष्टी लक्षात ठेवा

- असे कोणतेही लक्षण मुलामध्ये दिसल्यास त्यांना सार्वजनिक ठिकाणी कळवू नका.

- शाळेत आणि पार्कमध्ये पाठवू नका अन्यथा इतर मुलांनाही संसर्ग होईल

- ताबडतोब वैद्यकीय सल्ला घ्या

- मुलाला अन्नात फक्त द्रव द्या, तोंडात अल्सर झाल्यामुळे, मुले खाण्यास असमर्थ आहेत.

- जास्त पाणी प्या

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.