बुंदी आणि त्यापासून बनवलेले लाडू तसेच रायता चवीला फार छान लागतात. बुंदीची चव इतकी वेगळी असते की ती सतत खावीशी वाटते. तुम्हाला सुद्धा बुंदी खाणे फार आवडत असेल. लग्नकार्यात गावी आजही अनेक ठिकाणी गोड म्हणून बुंदी विकली जाते. बुंदी गोड आणि सुटसुटीत असली पाहिजे तरच तिची चव फार छान लागते. आता अशी मिठाईच्या दुकानात मिळणारी बुंदी घरच्याघरी बनवणे देखील अगदी सोपं आहे. ते कसं त्याचीच माहिती आज जाणून घेणार आहोत.

बुंदी बनवण्याची ट्रिक

साहित्य

बेसन पीठ

पाणी

तेल

कृती

बुंदी बनवण्यासाठी साहित्य फार कमी लागतं. फक्त याची परफेक्ट रेसेपी आपल्याला माहिती असणे गरजेचं आहे. सर्वात आधी एका भांड्यात दोन कप बेसन पीठ घ्या. बेसन पिठात तुम्हाला हवे तसे आवश्यकतेनुसार पाणी मिक्स करा. पाणी मिक्स केल्यावर तुम्ही यामध्ये एकतार पडेल इतकंच पाणी घ्या. त्यानंतर या मिश्रणात एक चमचा तेल सुद्धा मिक्स करा.

मिश्रण तयार केल्यावर एका पॅनमध्ये तेल तापण्यासाठी ठेवा. तेल छान तापलं की गॅस कमी करा. त्यानंतर एक थावर किंवा एक असं भाडं घ्या ज्याला खाली छोटे छोटे छिद्र आहेत. थावर कढईतील तेलात बुडवू नका. कारण यातून आपल्याला बुंदी पाडायची आहे. त्यामुळे तेलात बुंदी पाडण्यासाठी वेगळा आणि बुंदी काढण्यासाठी वेगळा थावर वापरा.

तेल छान गरम झालं गॅस आधी कमी करा आणि मग यात थावरच्या मदतीने बुंदी पाडा. बुंदी तेलाच सोडताना तेल जास्त गरम किंवा अगदीच थंड सुद्धा नसावे. बुंदी टाकल्याबरोबर ती तळाला न जाता वरती तरंगली पाहिजे इतकं तेल गरम असावं. अनेकदा तेलाचं तापमान कमी असल्याने बुंदी कढईत सरळ तळाला जाते. तसेच तेल जास्त तापले असेल तर बुंदी वरून करपलेली आणि आतून कच्ची राहू शकते.

त्यामुळे यासाठी बुंदी तेलात टाकल्याबरोबर गॅस कमी करा. यामुळे बुंदी कढईमध्ये खाली बसणार नाही. शिवाय बुंदी तेलाच छान तळली जाईल आणि छान तळून निघेल. तुम्ही बुंदीला छान रंग यावा यासाठी यामध्ये विविध रंग सुद्धा मिक्स करू शकता.