Google AI Tool : हल्ली गुगलचा वापर प्रत्येक भारतीय करतो. सर्च इंजिनपासून ते विविध माहिती मिळवण्यासाठी आपण गुगलवर जाऊन सर्च करतो. सध्या वेगाने पसरत असलेल्या AI चा वापर गुगलने देखील केला आहे.

जगातील सगळ्यात मोठी आणि आघाडीची कंपनी Google ने भारतीय वापरकर्त्यांसाठी दोन नवीन फीचर लॉन्च केले आहे. अल्फाबेटची कंपनी गुगलने भारत आणि जपानमधील वापरकर्त्यांसाठी जनरेटिव्ह आर्टिफिशियल इंटेलिजेंस सादर केले आहे.

AI च्या मदतीतून गुगलने (Google) इंग्रजी आणि हिंदीमध्ये टूल सादर केले आहेत. याआधी ही सुविधा फक्त अमेरिकेत सुरु करण्यात आली होती. यामुळे गुगलचे सर्च इंजिन आधीसारखे सहज आणि स्मार्ट पद्धतीने होईल असे कंपनीने (Company) मत मांडले आहे.

ज्या वापरकर्त्यांना या फीचरच्या (Feature) मदतीने साइन अप करतात ते वापकर्ते क्रोम आणि गुगल अॅपवर अॅक्सेस करु शकतील. परंतु, गुगल सर्च इंजिन हे पूर्वीसारखेच असेल. जपानी युजर्स हे फीचर त्यांच्या भाषेत वापरु शकतात तर भारतात हे AI फीचर इंग्रजी आणि हिंदी भाषेत वापरु शकतात. हे फीचर चॅटबॉट बार्डपेक्षा वेगळे असेल ज्याच्या मदतीतून माणसासारखा संवाद साधू शकतात. यासाठी गुगल सॉफ्टेवर कोड तयार करु शकते. गुगलचा एआय शोध मायक्रोसॉफ्टच्या बिंगशी स्पर्धा करतो. Google चे AI शोध टूल आता भारतीय आणि जपानी वापरकर्त्यांना फायदा करुन देईल.