Bank Holiday For Ganesh Festisav 2023:

यंदा 19 सप्टेंबर रोजी गणेश चतुर्थीचा सण साजरा केला जाणार आहे. यानिमित्ताने 19 आणि 20 सप्टेंबर रोजी विविध ठिकाणी बँकांना सुटी असणार आहे. गुजरात, महाराष्ट्र, राजस्थान, मध्य प्रदेश यासह देशातील सर्वच भागात गणेश चतुर्थीचा सण मोठ्या थाटामाटात साजरा केला जातो. बँका केव्हा आणि कुठे बंद होतील ते हे जाणून घ्या.

RBI कॅलेंडरनुसार, गणेश चतुर्थीनिमित्त 19, 20, 23, 24, 28 सप्टेंबर रोजी विविध शहरांमध्ये सुट्टी असेल.

या ठिकाणी बँकांना सुट्टी असेल

रिझर्व्ह बँक ऑफ इंडियाच्या सुट्टीच्या यादीनुसार, अहमदाबाद, बेलापूर, भुवनेश्वर, मुंबई (Mumbai), नागपूर, पणजी येथे गणेश चतुर्थीमुळे 19 सप्टेंबर रोजी बँकांना सुट्टी असेल. भुवनेश्वर आणि पणजीमध्ये 20 सप्टेंबरला म्हणजेच गणेश चतुर्थीच्या दुसऱ्या दिवशी नुआखाईमुळे बँका बंद राहतील.

अशाप्रकारे भुवनेश्वर आणि पणजीमध्ये 19 आणि 20 सप्टेंबर रोजी बँका (Bank) बंद राहतील. 23 सप्टेंबर चौथ्या शनिवारमुळे देशभरात बँका बंद राहतील. 24 सप्टेंबर रविवारमुळे देशभरातील बँका बंद राहणार आहेत. 28 सप्टेंबर गुरुवारी अनंत चतुर्थी असल्याने बँका बंद राहतील

गणेशोत्सवाचे महत्त्व काय?

भगवान गणेशाला (Ganesh) दुःखहर्ता, शुभ आणि विघ्नहर्ता या नावांनी ओळखले जाते. असे मानले जाते की, गणेश चतुर्थीच्या वेळी ज्या घरात गणपतीची स्थापना केली जाते आणि विधीनुसार पूजा केली जाते, त्या घरातील सर्व संकटे, समस्या आणि अडथळे गणपती आपल्यासोबत घेऊन जातात.

अशा घरात सर्व काही शुभ असते. लोक वर्षभर या सणाची वाट बघतात आणि मोठ्या थाटामाटात साजरा करतात. महाराष्ट्रात गणेशोत्सव मोठ्या प्रमाणात साजरा केला जातो.