सगळं काही सुरळीत सुरू असतानाही अचानक मन रिकामपण वाटू लागतं. अचानकपणे मन उदास होतं. काही करू वाटत नाही. एकांतात राहू वाटतं. नुसतं अंथरुणात पडून राहावं वाटतं, पण हे कशाचं लक्षण आहे, ते जाणून घेऊ. दरम्यान ही आजच्या काळातील एक मोठी समस्या आहे. आपण याला 'बोअर' होणं म्हणतो असतो, पण मानसशास्त्रात या स्थितीला खोलवर अर्थ आहेत.

हातात चांगली नोकरी आहे, कुटुंब सुखी आहे, आरोग्याच्या तक्रारीही नाहीत, तरीही मनाला एक प्रकारची मरगळ येत असते. इंग्रजीत याला 'Boredom' म्हणतात. पण हे केवळ रिकामपण नसून ते मनाचे एक 'लक्षण' आहे. पण हे का होतं, हे जाणून घेऊ. दरम्यान बोअरडम ही तुमच्या मनाने मागितलेली एक छोटी विश्रांती असते. तुम्हाला स्वतःला थोडा वेळ देण्याची आणि बाहेरच्या जगापेक्षा आतल्या जगाकडे पाहण्याची गरज आहे, हे सांगण्याचं लक्षण असतं.

प्रोत्साहन नसणं

जेव्हा आपल्या मेंदूला नवीन काहीतरी शिकायला मिळत नाही. तसेच आव्हाने मिळत नाहीत, तेव्हा आपला मेंदू 'लो मोड'वर जात असतो.

साचेबद्ध जीवनशैली

दररोज तेच काम, तोच रस्ता आणि तोच दिनक्रम यामुळे मनातील उत्साह संपत असतो. मनातील ताजेपणा राहत नाही. त्यामुळे व्यक्तीला बोअर वाटू लागते.

मानसीक थकवा

आपण मोबाईलवरील सतत रिल पाहत असतो. सोशल मीडियामधील रिल स्क्रोल केल्यामुळे मेंदूला 'डोपामाइन'ची जास्त सवय होते. यामुळे साध्या आणि शांत गोष्टी आपल्याला बोअर वाटू लागतात.

भावनिक रिक्तता

आपण आपल्या भावना दाबून ठेवतो, ज्यामुळे मन तटस्थ होते आणि कशातच रस उरत नसतो.

बोअर होण्यापासून वाचण्यासाठी काय कराल?

मानसशास्त्रज्ञाच्या मते, बोअर होणं वाईट नसते. जेव्हा तुम्ही काहीच करत नाही, तेव्हा तुमचा मेंदू अधिक 'क्रिएटिव्ह' होत असतो. फोन बाजूला ठेवा आणि शांत बसा. नवीन कल्पना सुचण्यासाठी ही रिकामी जागा गरजेची असते.

'मायक्रो-चॅलेंजेस'

मोठं काहीतरी करण्याऐवजी छोट्या गोष्टी बदला. ऑफिसहून घरी जाण्याचा रस्ता बदला. जर तुम्ही स्त्री आहात तर एखादा नवीन पदार्थ बनवून पाहा. आपल्या जुन्या मित्रांना फोन करा. असे छोटे बदल मेंदूला ताजेतवाने करतात. कुठेतरी निसर्ग सौंदर्य पाहण्यासाठी फिरायला जा. यामुळे डोळ्यांना आणि मनाला विश्रांती मिळेल.

छंद जोपासा

लहानपणी तुम्हाला काय करायला आवडायचं? त्या गोष्टी करा. चित्रकला, वाचन, संगीत आदी गोष्टी आवडत असतील तर त्या पुन्हा एकदा करा. छंद हे मनाला उर्जा देणारे पॉवर हाऊस असतं. यासह कधीकधी शरीरात ऊर्जा नसल्यामुळेही मन मरगळतं. त्यामुळे १० मिनिटांचा व्यायाम किंवा वेगाने चाला. याच्याने शरीरातील 'हॅपी हार्मोन्स' वाढवू शकतात.