मुंबई : दैनंदिन जीवनात बदलेल्या आहारामुळे आपल्याला अनेक आजारांना सामोरे जावे लागते. धुम्रपान, मद्यपान व तंबाखूसेवन न केल्यास आपला ताणतणाव कमी होऊन आपण उच्च रक्तदाब नियंत्रणात ठेवू शकतो.

हे देखील पहा -

उच्च रक्तदाबात बहुतेक वेळा त्याची लक्षणे आपल्याला दिसून येत नाही. याची औषधे आयुष्यभर घ्यावी लागतात. त्यामुळे बरेचदा आपल्याला त्याचा कंटाळा येतो. उच्च रक्तदाब नियंत्रणात राहण्यासाठी व त्यावर नियमित औषधे घेणे गरजेचे आहे. तसेच त्यावर मात करण्यासाठी आपण आहारात अशा काही फळांचा समावेश करु शकतो ज्यामुळे उच्च रक्तदाब नियंत्रणात राहिल.

आहारात या फळांचा समावेश करा -

१. केळीत अधिक प्रमाणात पोटॅशियम व खनिजे आढळतात. शरीरातील रक्तदाब वाढल्यास पोटॅशियम व खनिजांची कमतरता भासते. अशावेळी केळीत असणाऱ्या पोटॅशियममुळे शरीरातील हानिकारक घटक बाहेर टाकले जातात व रक्तदाब कमी होण्यापासून देखील संरक्षण मिळते.

२. संत्री , द्राक्षे यांसारख्या फळांमध्ये (Fruit) पोटॅशियम, जीवनसत्त्व (Vitamins) व फायबर जास्त प्रमाणात असते. या फळांमध्ये कोलेस्ट्रॉलची पातळी कमी करण्याची क्षमता असते. तसेच यामुळे ब्लड प्रेशर देखील नियंत्रणात राहते.

३. पपईत अधिक प्रमाणात पोटॅशियम व मॅग्नेशियम, फ्लवोनॉइड मोठ्या प्रमाणात असते. यात असणाऱ्या घटकांमुळे उच्च रक्तदाब नियंत्रणात राहतो.

४. बटाटा व रताळ्यात सोडीयमचे प्रमाण कमी व पोटॅशियमचे प्रमाण अधिक असते. ज्यामुळे रक्तदाबाची पातळी वाढत नाही.तसेच यामधील चांगल्या प्रमाणात असलेल्या मॅग्रेशियममुळे आपला रक्तप्रवाह सुधारतो व आपल्या शरीरातील मिनरल्सची पातळी देखील संतुलित राहते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre