उन्हाळ्यात ओठ फाटणे ही सामान्य पण त्रासदायक समस्या आहे. प्रखर उन्हामुळे, वाढते प्रदूषण आणि बदललेली जीवनशैली यामुळे अनेकांना ही समस्या जाणवते. ओठ सतत कोरडे राहणे, ताण येणे हे याचे लक्षण असते. मात्र, काही घरगुती उपाय आणि योग्य देखभाल केल्यास या त्रासावर सहज मात करता येते. या लेखात आपण अशाच काही प्रभावी आणि सोप्या उपायांची माहिती घेणार आहोत.

नारळ तेल लावा

जर ओठ सतत फाटत असतील, तर खोबरेल तेल एक उत्तम घरगुती उपाय ठरतो. त्यातील नैसर्गिक घटक ओठांना आर्द्रता देतात. झोपण्यापूर्वी ओठांवर हलक्या हाताने तेल लावावे आणि सकाळपर्यंत तसेच ठेवावे.

मध लावा

मध हा ओठ फाटण्यावर प्रभावी घरगुती उपाय आहे. ओठांवर मधाचा थर लावा, १०-१५ मिनिटे ठेवा. नंतर हलक्या हाताने पुसून टाका. त्यानंतर मॉइश्चरायझर लावा आणि रात्रभर तसेच ठेवावे.

कोरफडीचा वापर करा

अनेक घरांमध्ये आढळणारी कोरफड वनस्पती ओठ फाटण्यावर उपयुक्त ठरते. कोरफडीचे ताजे जेल रात्री झोपण्यापूर्वी ओठांवर लावा. काही दिवस नियमित वापर केल्याने ओठ मऊ व निरोगी होतात.

गुलाबपाणी

उन्हाळ्यात घराघरात आढळणारे गुलाबपाणी फाटलेल्या ओठांवर प्रभावी ठरते. कापसाच्या बोळ्याने गुलाबपाणी ओठांवर हलक्याने लावा. हा उपाय ओठांना नमी देऊन त्यांना हायड्रेट आणि मऊ ठेवण्यास मदत करतो.

तूप

उन्हाळ्यात तूप एक नैसर्गिक मॉइश्चरायझर म्हणून काम करते. याच्या वापरामुळे ओठ मऊ, कोमल आणि हायड्रेट राहतात. रात्री झोपण्यापूर्वी ओठांवर थोडे तूप लावल्यास सकाळपर्यंत त्यांचा कोरडेपणा कमी होतो.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.