भरत मोहळकर, साम टीव्ही, प्रतिनिधी

तुम्ही चालत आहात आणि खिशात मोबाईल व्हायब्रेट झाल्यासारखा वाटतो आणि तुम्ही मोबाईल काढून पाहता. पण मोबाईलवर ना कॉल आलेला असतो ना मेसेज, हे सगळं तुमच्यासोबत घडत असेल तर सावधान! कारण हे फँटम व्हायब्रेशन सिंड्रोम या गंभीर मानसिक आजाराचं लक्षण असल्याचा दावा तज्ज्ञांनी केलाय..

सध्या मोबाईल काळाची गरज बनलीय. लहान मुलांपासून ते वृद्धांपर्यंत सगळ्यांनाच मोबाईल हवा आहे. शिक्षणापासून ते मनोरंजनापर्यंत आणि खरेदीपासून ते व्यवसायापर्यंत अनेक गोष्टींसाठी मोबाईलचा वापर केला जातो. यातूनच अनेकांना सतत मोबाईल चेक करण्याची सवय लागलीय. मात्र याच सवयीचे झोप उडवणारे दुष्परीणाम समोर आलेत.

मोबाईलधारकांमध्ये फँटम व्हायब्रेशन सिंड्रोमचं प्रमाण आढळून आलं आहे. 100 मोबाईलधारकांपैकी 11 जण या गंभीर आजाराने हैराण झालेत. 20 ते 30 वयोगटातील सर्वाधिक लोकांना फोनचं व्यसन आहे. 40 वर्षे वयोगटातील लोकांचाही यात समावेश अधिक आहे. व्हॉट्सअप, इन्स्टाग्रामसारखे मेसेजिंग अॅपवर वेळ घालवणाऱ्यांचं प्रमाण अधिक आहे. तुम्हाला ही लक्षणं दिसत असतील तर वेळीच सावध होण्याची गरज आहे. त्यासाठी तज्ज्ञांनी काही उपाय सुचवलेत ते जाणून घेऊ...

फँटम व्हायब्रेशन सिंड्रोमवरचे उपाय

• फोनचा वापर कमी करा.

• स्क्रीन टाईम सेट करा.

• फोनचं नोटीफिकेशन बंद करा आणि रिंग टोन बदला.

• मित्रांसोबत गप्पांसाठी वेळ द्या.

• पुस्तक वाचनासाठी वेळ काढा.

• खूप तीव्र लक्षणं असतील तर मानसोपचारतज्ज्ञाचा सल्ला घ्या.

मोबाईल काळाची गरज असली तरी स्वतःच्या मानसिक आणि शारीरिक आरोग्यासाठी फोनचा अतिवापर टाळायला हवा....