Home Remedies For Bloating Problem :

दिवाळी म्हटलं की, या काळात अनेक पदार्थांची चव चाखायला मिळते. शंकरपाळी, करंजी, चकलीसोबत गोडाचे पदार्थ ही खाल्ले जातात. सणांचा आनंद द्विगुणित करण्यासाठी आपण अतिप्रमाणात पदार्थांचे सेवन करतो.

या दिवसांमध्ये भरपूर खाल्ल्यामुळे पोट फुगणे, गॅस आणि अॅसिडिटीच्या समस्यांचा सामना करावा लागतो. तेलाचे आणि गोडाचे पदार्थ खाल्ल्यामुळे सणासुदीच्या (Festival) काळात आपल्या छातीत सतत जळजळ होते, पोटदुखीचा त्रास सहन करावा लागतो. अशावेळी काही घरगुती उपायांचा (Home Remedies) वापर केल्यास आराम मिळेल. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

1. जिऱ्याचे पाणी

जिऱ्याच्या पाण्यात अँटिऑक्सिडंट भरपूर प्रमाणात असतात. ज्यामुळे अपचन, पोटदुखीच्या (Stomach Pain) समस्येपासून आराम मिळतो. यासाठी जिरे पाण्यात उकळून घ्या. एका कपमध्ये गाळून त्यात मध घालून प्या. आराम मिळेल.

2. ओव्याचे पाणी

ओव्यामध्ये शरीराला निरोगी ठेवण्यासाठीचे अनेक गुणधर्म आहेत. याच्या वापर केल्यास गॅस, अपचन, सर्दी, खोकला अशा अनेक समस्या दूर होतात. याचा वापर करण्यासाठी ओवा चावून खा, त्यानंतर ४५ मिनिटांनी कोमट पाणी प्या आराम मिळेल.

3. वेलचीचे पाणी

वेलचीच्या कळ्या पाण्यात टाकून ५ ते ७ मिनिटे उकळा. त्यानंतर अर्ध्यातासाने पाणी प्या. तसेच पुदिन्याची पाने पाण्यात मिसळून प्यायल्याने पोटाला आलेली सुज किंवा पोट फुगण्याच्या समस्येपासून आराम मिळेल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा