सौंदर्य प्रसाधन - लिपस्टिक

लिपस्टिक शिवाय प्रत्येक महिलेचा मेकअप अपूर्ण आहे. त्यामुळे आपले सौंदर्य वाढवण्यासाठी महिला दरवेळी आपल्या आऊटफिटला मॅचिंग अशा लिपस्टिक लावतात.

लिपस्टिकचा वापर आणि दर्जा

अतिप्रमाणात किंवा चुकीची लिपस्टिक लावल्यास ओठांचे आरोग्य धोक्यात येते. त्यामुळे लिपस्टिक खरेदी करताना तसेच तिचा वापर करताना विशेष काळजी घेणे महत्वाचे आहे.

ओठ कोरडे होणे

लिपस्टिक मधील काही घटकांमुळे आपले ओठ कोरडे होऊन फुटतात. यामुळे ओठांतून रक्त देखील येते.

ओठांना ॲलर्जी

लिपस्टिकच्या गुणवत्तेवर ओठांचे आरोग्य अवलंबून असते. कमी दर्जाची लिपस्टिक ओठांना लावल्यास ॲलर्जी होण्याची शक्यता वाढते.

लिपस्टिक मधील घटकांची ॲलर्जी

लिपस्टिक तयार करताना वापरण्यात आलेल्या पदार्थांपैकी एखाद्या पदार्थाची ॲलर्जी असल्यास लिपस्टिक ओठांवर लावल्यास ॲलर्जी होण्याचे प्रमाण वाढते.

ओठांचा रंग गडद होणे

दीर्घकाळ लिपस्टिक लावून ठेवल्यास ओठांचा रंग गडद होतो.

लिपस्टिक मधील केमिकल्सचा वापर

काही लिपस्टिक या सुगंधी असतात. पण यासाठी वापरण्यात येणाऱ्या केमिकल्समुळे खोकला, श्वसनाचा त्रास उद्भवू शकतो.

सुप्रसिद्ध कॉस्मेटिक कंपनीचे प्रोडक्ट

लिपस्टिक कधीही सुप्रसिद्ध कॉस्मेटिक कंपनीची विकत घ्यावी. यामुळे चांगल्या दर्जाच्या लिपस्टिक आपल्याला मिळतात. तसेच ओठांचे ॲलर्जीपासून संरक्षण होते.

ओठ मॉइश्चरायझ करणे

सुप्रसिद्ध कॉस्मेटिक कंपनीच्या लिपस्टिकमध्ये बटरसारखे प्रोडक्ट वापरले जातात. त्यामुळे ओठ मॉइश्चरायझ राहतात आणि मऊ होतात. ओठांचा कोरडेपणा कमी होतो.

डिस्क्लेमर

सदर लेख फक्त सामान्य माहितीसाठी आहे. अधिक तपशीलांसाठी डॉक्टरांशी संपर्क साधा.