Control High Blood Pressure : आपल्या रोजच्या जेवणातील पदार्थांची चव वाढवण्याचे महत्त्वपूर्ण भूमिका हे स्वयंपाकघरातील मसाले (Spices) करत असतात. मसाले हे आपल्या दैनंदिन आहाराचा महत्त्वाचा भाग आहे. याचे सेवन केल्याने रक्तदाब नियंत्रणात ठेवता येते.

अमेरिकन जर्नल ऑफ क्लिनिकल न्यूट्रिशनमध्ये प्रकाशित झालेल्या सप्टेंबर 2021 च्या अभ्यासानुसार, ज्या लोकांनी अधिक औषधी वनस्पती आणि मसाले खाल्ले त्यांच्यात 24 तासांनंतर कमी रक्तदाब (BP) नोंदवले गेले. जर तुम्हाला देखील रक्तदाब नियंत्रणात ठेवायचे असेल तर, या मसाल्यांचा आहारात समावेश करा. (Latest Marathi News)

रक्तदाब कमी करण्यासाठी कोणते मसाले चांगले आहेत?

1. लसूण

किचनमध्ये सर्वात सामान्यपणे उपलब्ध असलेल्या मसाल्यांपैकी एक म्हणजे लसूण. लसूण हे त्याच्या औषधी गुणधर्मांसाठी ओळखले जाते आणि भारतीय जेवणात ते सतत आढळले जाते. यात अनेक संयुगे समृद्ध असतात जे हृदयाच्या आरोग्यासाठी चांगले असतात. अॅलिसिन हे त्याच्या प्राथमिक संयुगांपैकी एक आहे जे उच्च रक्तदाब कमी करण्यासोबतच तुमच्या रक्तवाहिन्या सुरळीत करण्यास मदत करते. शिवाय, त्याचे दाहक-विरोधी, प्रतिजैविक गुणधर्म हे सर्वोत्तम मसाल्यांपैकी एक आहे.

2. तुळस

तुळस ही आयुर्वेदातील सगळ्यात महत्त्वाचे औषध आहे. यात अँटीऑक्सिडेंट- युजेनॉलमध्ये समृद्ध आहे जी रक्तदाब कमी करण्यास मदत करते कारण ती आपल्या शरीरात नैसर्गिक कॅल्शियम चॅनेल अवरोधक म्हणून कार्य करते. रक्तदाब कमी करण्यासाठी तुळस फायदेशीर ठरु शकते. याशिवाय तुळशीतील आवश्यक घटक शरीरातील ट्रायग्लिसराइड्स आणि कोलेस्ट्रॉलची पातळी कमी करतात.

3. दालचिनी

दालचिनी ही हृदयासाठी नाही तर आपल्या संपूर्ण आरोग्यासाठी एक उत्तम मसाला आहे. हा मसाला उच्च रक्तदाब कमी करण्यात मदत करतो आणि रक्तवाहिन्यांना सुरळीत करतो. तसेच रक्तातील साखरेचे नियमन सुधारू शकते, केसांच्या समस्या टाळू शकते आणि आतड्यांसंबंधी संक्रमण टाळू शकते.

4. वेलची

वेलची ही तिच्या गंधासाठी व चवीसाठी ओळखली जाते परंतु, या गोड मसाल्यामध्ये अँटिऑक्सिडंट्स असतात जे नैसर्गिक कॅल्शियम ब्लॉकर म्हणून काम करून उच्च रक्तदाब कमी करतात. तसेच स्टेज-1 हायपरटेन्शनच्या रूग्णांनी 1.5 ग्रॅम (दिवसातून दोनदा) तीन महिन्यांपर्यंत वेलचीचे सेवन केले, त्यांनी सिस्टोलिक, डायस्टोलिक आणि मध्यम रक्तदाबात लक्षणीय घट नोंदवली, असे इंडियन जर्नल ऑफ बायोकेमिस्ट्री अँड बायोफिजिक्समध्ये प्रकाशित झालेल्या संशोधनात सांगितले आहे.

5. आले

आले (Ginger) हा भारतीय घरातील बहुमुखी मसाला आहे ज्यांचा स्वयंपाकघरात सतत वापर केला जातो. याच्या सेवनाने रक्ताभिसरण, कोलेस्टेरॉलची पातळी आणि रक्तदाब यासह हृदयाच्या आरोग्याच्या अनेक गोष्टीमध्ये सुधारणा होते. तसेच हे रक्तवाहिन्यांना आराम करण्यास देखील मदत करते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.