Karela Crispy Chips : कारलं म्हटलं की, मुलांच्या काय मोठे देखील खाताना नाकं मुरडतात. आजकाल ही भाजी अनेकाच्या घरी पाहायला देखील मिळत नाही. कारले जितके आरोग्यासाठी चांगले आहे तितकेचं त्याची चव कडू. त्याच्या चवीमुळे अनेकांना ते खाण्यास आवडत नाही.

कडूपणा आणि चवीमुळे अनेकांना कारले (Bitter Gourd) आवडत नाही. कारल्यात जीवनसत्त्व (Vitamins) ब -१, ब-२ व ब-३ आणि जीवनसत्त्व क चा उत्कृष्ट स्त्रोत आहे. तसेच यात लोह आणि कॅल्शियम देखील असेल.आहारातील फायबरने समृद्ध, या कडू भाजीमध्ये मॅग्नेशियम, फोलेट, फॉस्फरस, जस्त आणि मॅंगनीज देखील असतात.

पण तुम्ही कधी कारल्यापासून बनवलेले क्रिस्पी चिप्स खाल्ले आहेत का? स्नॅक्ससाठी तुम्ही कारल्याच्या चिप्स (Chips) बनवू शकता. शेफ कुणाल कपूरकडून त्याची रेसिपी (Recipe) जाणून घेऊया.

1. साहित्य

• 3-4 कारले

• चवीनुसार मीठ

• 1 लिंबू

• 3-4 चमचे तेल

• पाणी

• अर्धा टीस्पून हळद

• 1 टीस्पून लाल तिखट

• 2 टीस्पून वाळलेल्या कैरी पावडर

• 2 चमचे कॉर्न स्टार्स

• 1 टीस्पून बेसन

2. कृती

• कारल्याच्या बिया काढून त्यांना गोल आकारात कापून घ्या.

• आता त्यात १ चमचा मीठ आणि लिंबाचा रस पिळून घ्या. हे कारले अर्धा तास तसेच ठेवा.

• त्यानंतर तयार केलेल्या कारल्याच्या कापांना नीट धुवून वाळवा.

• आता कारल्यात सर्व मसाले घालून चांगले मिक्स करावे.

• कढईत थोडं तेल टाका आणि गरम होताच त्यात कारल्याचे तुकडे दोन्ही बाजूंनी तपकिरी होईपर्यंत तळून घ्या.

• कुरकुरीत कारल्याच्या चिप्स तयार आहेत.