Chanakya Niti Quotes : आचार्य चाणक्य यांची धोरणे आणि विचार आजच्या काळातही समर्पक आहेत. चाणक्यांनी पैसा, व्यवसाय, प्रगती आणि आरोग्याशी संबंधित अनेक समस्यांवर उपायही सांगितले आहेत. माणसाला आयुष्यात यश मिळवायचे असेल तर त्याला हे विचार आयुष्यात आणावे लागतात.

आज आपण आचार्य चाणक्य यांच्या यापैकी एका विचाराचे विश्लेषण करणार आहोत. आजचा विचार चाणक्याच्या धोरणांनुसार सर्वात महत्वाच्या गोष्टींचा आहे. चाणक्याने एका श्लोकाद्वारे त्या चार गोष्टींचा उल्लेख केला आहे ज्यांचे स्थान सर्वात वरती आहेत. चला जाणून घेऊया कोणत्या आहेत त्या चार गोष्टी.

नात्रोदक समं दानं न तिथि द्वादशी समा।

न गायत्र्या: परो मन्त्रो न मातुदैवतं परम्।।

या श्लोकाद्वारे आचार्य चाणक्य यांनी अन्न हे मानवासाठी सर्वात मोठे दान असल्याचे स्पष्ट केले आहे. चाणक्य म्हणातात की, भुकेल्याला अन्न देणे आणि तहानलेल्याला पाणी (Water) देणे यापेक्षा अधिक पुण्य दुसरे काहीही ​​नाही.

याशिवाय चाणक्याने हिंदू पंचांगातील 12वी तिथी म्हणजेच द्वादशीचा दिवस अत्यंत पवित्र मानला आहे. या दिवशी भगवान विष्णूची उपासना आणि उपवास केल्यास फलदायी ठरते.

त्याचबरोबर आचार्य चाणक्य यांनी गायत्री मंत्राला सर्वात मोठा मंत्र म्हटले आहे. या मंत्राचा जप केल्याने मनुष्याला शक्ती (Power), युक्ती आणि धन प्राप्त होते.

या श्लोकाच्या शेवटी चाणक्यांनी मातेचे वर्णन मानवासाठी विश्वातील सर्वात श्रेष्ठ मानले आहे. चाणक्य म्हणतात की आईपेक्षा (Mother) मोठा देव किंवा गुरु नाही.