Bakari Eid Special Recipe : बकरी ईदला अनेक प्रकारचे नॉन व्हेज पदार्थ बनवले जातात व त्याची चव पाहुण्यांना देखील चाखवली जाते. यंदा बकरी ईद व आषाढी एकादशी एकाच दिवशी असल्यामुळे नॉन व्हेज प्रेमीना टेन्शन आले असेल परंतु, चिंता कशाला करताय ?

रविवारी किंवा इतर दिवशी तुम्ही हे कश्मीरी स्टाइल सीख कबाब नक्की ट्राय करु शकता. या सिख कबाबला काश्मिरी वाझवान म्हणूनही ओळखले जाते. बकरी ईदला या दिवशी मुस्लिम बांधवाच्या घरी गोडासोबतच तिखट पदार्थ देखील आवर्जून चाखले जातात. नुकताच पावसाळा सुरु झाल्यामुळे तुम्हालाही चमचमीत पदार्थ खायचा असेल तर ही रेसिपी नक्की बनवून पाहा.

1. साहित्य:

• 1 किलो ताजे मटण

• 1 टीस्पून लाल मिरची

• 1 टीस्पून हळद (Turmeric)

• 1 टीस्पून मीठ

• 2 अंडी

• 1 टीस्पून जिरे

2. कृती

• सीख कबाब बनवताना नेहमी ताजे मांस वापरा. सर्वप्रथम मटण चांगले धुवा आणि नंतर त्याचे तुकडे करा.

• काश्मीरमध्ये लाकडी काठीवर ठेऊन मोठ्या चाकूच्या साहाय्याने मांसाचे छोटे तुकडे केले जातात, पण तुमच्याकडे अशी सोय नसेल तर तुम्ही फूड प्रोसेसरची मदत घेऊ शकता.

• मांसाचे छोटे तुकडे केल्यानंतर त्यात १ चमचा लाल तिखट आणि १ चमचा मीठ (Salt) घाला. नंतर तासभर झाकून ठेवा.

• तासाभरानंतर त्यात १ चमचा हळद आणि १ चमचा जिरे घाला. यानंतर त्यात दोन अंडी (Egg) फोडा. यानंतर, ते चांगले फेटून घ्या ज्यामुळे सर्व मसाले चांगले एकजीव होतील. यानंतर मिश्रणाचे गोळे बनवा.

• आता आपण मटणाचे गोळे स्क्रुवर ठेवायला सुरुवात करा. हात पाण्याने ओले करा आणि मटण स्क्रुवरच्या भोवती कबाबच्या आकारात ठेवा.

• यानंतर, सर्व skewers जळत्या कोळशावर ठेवा आणि त्यांना एकामागून एक बेक करा.

• तुमच्या घरी कोळसा नसेल तर तुम्ही गॅसच्या थेट आचेवर कबाब देखील शिजवू शकता. अशा प्रकारे सीख कबाब तयार होतील.