प्रत्येक व्यक्तीला आपल्या आयुष्यात भरभराट आणि धनसंपत्ती असावी असं वाटतं. त्यासाठी आज लक्ष्मीपुजनाच्या दिवशी प्रत्येक व्यक्ती घरी पूजा करतात. लक्ष्मी देवीची मनोभावे सेवा करतात. लक्ष्मी देवीला धन संपत्तीचे प्रतिक मानले जाते. त्यामुळे या दिवशी घरात लक्ष्मीपुजनाचा जल्लोष पहायला मिळतो.

लक्ष्मीपुजन करताना काही महत्वाच्या गोष्टी लक्षात घ्यायच्या असतात. नकळत आपल्या हातून काही चुका घडतात. त्या चुका टाळणे महत्वाचे आहे. काही ठरावीक चुकांमुळे धनलक्ष्मी नाराज होऊ शकते. तसेच त्या व्यक्तीच्या जीवनात भरभराट येत नाही. त्यामुळे अशा कोणत्या चुका आहेत ज्या लक्ष्मीपुजनाच्या दिवशी टाळाव्यात त्याची माहिती आज जाणून घेणार आहोत.

शिंकणे

देवी देवतांची पूजा करताना प्रत्येक व्यक्तीने आपल्या शिंकण्यावर आणि खोकल्यावर नियंत्रण ठेवलं पाहिजे. पुजेच्यावेळी शिंक आल्यास तेथून थोडे दूर जाऊन शिंकावे. शिंकणे आणि खोकला या नैसर्गिक गोष्टी आहेत. कुणालाही यावर नियंत्रण ठेवता येत नाही. त्यामुळे तुम्ही शिंकलात किंवा खोकलात तर तोंड आणि हात स्वच्छ धुवून घ्यावे.

जांभई देणे

जांभई देणे म्हणजे आळस येणे. देवाचं नामस्मरण करताना असे करू नये. लक्ष्मी देवीची पूजा करताना आपलं मनापासून प्रसन्न राहिलं पाहिजे. तरच देवी देखील आपल्यावर प्रसन्न होते आणि घरात भरभराट घडवते.

रागवणे

काही व्यक्ती सतत गरज नसताना चिडचिड करतात. शिवाय कायम भांडणे देखील करतात. लक्ष्मी पुजनाच्या दिवशी असे करू नका. लक्ष्मी पुजन सुरू असताना भांडणे टाळा. मन शांत आणि आनंदी ठेवा. पूजा करताना ही चूक मुळीच करू नका.

रात्री अस्वच्छ ठेवणे

लक्ष्मी देवी ज्या ठिकाणी गरिबी आहे त्या ठिकाणी सर्वप्रथम आशीर्वाद देते. तसेच ज्या घरात संपत्तीची कदर केली जात नाही, सर्वत्र अस्वच्छता असते अशा ठिकाणी देवी जात नाही. शिवाय त्या ठिकाणी आणखी जास्त प्रमाणात धन संपत्ती कमी होत जाते.