सध्याच्या बदलत्या जीवनशैलीमुळे खाण्यापिण्याच्या सवयींमध्ये मोठ्या प्रमाणात बदल होताना आपल्याला पाहायला मिळत आहेत. त्यातच हिवाळा असल्यामुळे अनेकांना तहान लागत म्हणून लोक पाणी सुद्धा कमी प्रमाणात पितात. याचा थेट परिणाम तुमच्या शरीरावर होत असतो. एका संशोधनातून असे सत्य समोर आले आहे की, जे लोक दिवसाला ५०० एम एल पेक्षा कमी पाणी पितात त्यांच्या लघवीत अडथळे निर्माण होतात. तसेच फिल्टरेशन प्रक्रिया मंदावते आणि भविष्यात किडनीशी संबंधित धोका वाढू शकतो.

अनेकांना वाटतं डिहायड्रेशन ही समस्या फक्त उन्हाळ्यातच जाणवते. मात्र हे संशोधनानुसार असत्य ठरले आहे. कारण याचा परिणाम थेट आपल्या किडनीवर होत असतो. किडनी ही आपल्या शरीरात महत्वाचे फिल्टरिंग सिस्टिमचे काम करत असते. त्यामुळे शरीरात पाण्याचे प्रमाण योग्य असणे महत्वाचे असते. यामुळे लघवीचा रंग गडद दिसतो.

पाण्याचे कमी प्रमाणात सेवन केल्याने फक्त किडनीवरच नाही तर मेंदू, हार्ट आणि ब्लड प्रेशरवरही परिणाम होतो. शरीरातील रक्तप्रवाह कमी झाल्याने हार्ट वेगाने काम करतं. मेंदूपर्यंत कमी प्रमाणात ऑक्सिजन पोहोचल्याने डोकेदुखी, चिडचिडपणा, थकवा वाढतो. अनेकदा लोक ही लक्षणे ताण किंवा झोप कमी झाल्यामुळे होतायेत असं समजतात, पण त्यामागे डिहायड्रेशन असू शकते.

पाणी कमी घेतल्यास पचनक्रिया मंदावते आणि शरीरातील हार्मोन्सची संतुलन प्रणालीही प्रभावित होते. अशा वेळी जेवणाचे संकेत मेंदूपर्यंत योग्य वेळी पोहोचत नाहीत, ज्यामुळे भूक कमी-जास्त होणे, बद्धकोष्ठता किंवा पोटफुगीची समस्या निर्माण होऊ शकते.

बराचवेळ पाणी कमी पिण्याची सवय शरीरावर गंभीर परिणाम करू शकते. कारण त्याने शरीराचे तापमान नियंत्रित ठेवण्यात अडचण येते, किडनीचे आजार आणि स्टोनच्या समस्या वाढण्याचा धोका वाढतो आणि शरीरातील फिल्टरेशन प्रक्रिया कमकुवत होते.

टीप: शरीराच्या गरजा ओळखून नियमितपणे पाणी पिण्याची सवय लावली तर अशा समस्या सहज टाळता येऊ शकतात. तहान लागेपर्यंत वाट पाहू नका. कारण तेव्हा शरीर आधीच डिहायड्रेशन मोडमध्ये गेलेले असते.