UPSC CDS-1 Exam 2023 : केंद्रीय लोकसेवा आयोग (UPSC) ने त्यांच्या वेबसाइट upsc.gov.in वर एकत्रित संरक्षण सेवा (CDS) परीक्षा-१, २०२३ ची तपशीलवार अधिकृत अधिसूचना जारी केली आहे. यासह प्रवेश अर्जाची प्रक्रियाही सुरू झाली आहे.
UPSC CDS-1 ची परीक्षा १६ एप्रिल २०२३ रोजी विविध भारतीय (Indian) लष्करी संस्थांमधील विविध अभ्यासक्रमांमधील ३४१ रिक्त पदांसाठी प्रवेशासाठी घेतली जाईल. अभ्यासक्रम जानेवारी २०२४ मध्ये सुरू होतील. पात्र उमेदवारांना परीक्षा सुरू होण्याच्या तीन आठवड्यांपूर्वी ई-प्रवेशपत्र जारी केले जाईल.
UPSC CDS-१ परीक्षा १० जानेवारीपर्यंत अर्ज करू शकतात -
UPSC CDS-१ २०२३ साठी ऑनलाइन अर्ज प्रक्रिया आजपासून सुरू झाली आहे आणि इच्छुक उमेदवार upsconline.nic.in या अधिकृत वेबसाइटवर १० जानेवारी रोजी संध्याकाळी ६ वाजेपर्यंत अर्ज करू शकतात.
अर्जासाठी उमेदवारांना २०० रुपये शुल्क भरावे लागेल. तथापि, महिला/एससी/एसटी उमेदवारांना फी भरण्यापासून सूट देण्यात आली आहे. अर्ज करण्यापूर्वी उमेदवारांना अधिकृत वेबसाइटवर दिलेली तपशीलवार सूचना काळजीपूर्वक वाचण्याचा सल्ला दिला जातो.
UPSC CDS-१ परीक्षा २०२३ रिक्त जागा तपशील -
इंडियन मिलिटरी अकादमी, डेहराडून - १०० जागा/पदे
इंडियन नेव्हल अकादमी, एझिमाला - २२ जागा/पदे
एअर फोर्स अकादमी, हैदराबाद - ३२ जागा/पदे
ऑफिसर्स ट्रेनिंग अकादमी, चेन्नई (मद्रास) ११६ वी एसएससी (एम) (एनटी) - १७० जागा/पदे
ऑफिसर्स ट्रेनिंग अकादमी, चेन्नई (मद्रास) ३० वी एसएससी महिला (एनटी) - १७ जागा/पदे
एकूण : ३४१ जागा/पद
UPSC CDS-१ परीक्षा २०२३ शैक्षणिक पात्रता -
IMA आणि ऑफिसर्स ट्रेनिंग अकादमी, चेन्नई मध्ये प्रवेशासाठी , उमेदवाराने मान्यताप्राप्त विद्यापीठातून किंवा त्याच्या समकक्ष पदवी असणे आवश्यक आहे.
भारतीय नौदल अकादमीमध्ये प्रवेश घेण्यासाठी उमेदवाराने मान्यताप्राप्त विद्यापीठ/संस्थेतून अभियांत्रिकीची पदवी घेतलेली असणे आवश्यक आहे.
इंडियन एअर फोर्स अकादमी, हैदराबादमध्ये प्रवेशासाठी , उमेदवाराने मान्यताप्राप्त विद्यापीठातून भौतिकशास्त्र आणि गणितासह १०+२ स्तरावर पदवी किंवा अभियांत्रिकीमध्ये बॅचलर पदवी असणे आवश्यक आहे.
UPSC CDS-१ परीक्षा २०२३ साठी अर्ज करण्याची प्रक्रिया -
उमेदवारांनी प्रथम अधिकृत वेबसाइट upsconline.nic.in वर जा.
UPSC च्या परीक्षांसाठी 'OTR' वर जा आणि ऑनलाइन अर्ज करा आणि Apply लिंकवर क्लिक करा.
भाग-1 नोंदणी फॉर्म भरा, फी भरा आणि संबंधित कागदपत्रे अपलोड करा.
तुमचे जवळचे परीक्षा केंद्र निवडा आणि अर्ज सबमिट करा.
फॉर्म डाउनलोड करा आणि भविष्यातील संदर्भासाठी प्रिंट आउट घ्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.