How To Clean Your Lungs :

वाढत्या प्रदूषणाचा आरोग्यावर परिणाम होताना दिसून येत आहे. त्यामुळे श्वास घेण्यात त्रास होणे, डोळ्यांची जळजळ, घसा खवखवणे यांसारख्या समस्यांना सामोरे जावे लागत आहे.

प्रदूषणाचा सर्वात जास्त परिणाम हा फुफ्फुसावर होताना दिसून आला. त्यामुळे फुफ्फुसांमध्ये घाण साचू लागते आणि त्यामुळे शरीरात अनेक आजार पसरतात. फुफ्फुस स्वच्छ करण्यासाठी आहारात आरोग्यदायी पेयांचा समावेश करु शकता. या ड्रिंक्सचा डाएटमध्ये समावेश केल्यास फायदा होईल.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. मुळेथी चहा

मुळेथी शरीराच्या आरोग्यासाठी फायदेशीर मानली जाते. सर्दी खोकल्यासाठी हे बहुगुणी समजली जाते. मुळेथीचा चहा प्यायल्याने फुफ्फुसाच्या समस्या दूर होतात. याशिवाय हृदयविकाराचा (Heart Attack) धोका कमी होतो.

2. मध आणि गरम पाणी

कोमट पाण्यात नियमितपणे मध घालून प्यायल्याने फुफ्फुसातील घाण निघून जाण्यास मदत होते. हे पेय दाहक- विरोधी गुणधर्मांनी समृद्ध आहे, जे फुफ्फुसांना (Lungs) निरोगी ठेवण्यास मदत करते.

3. ग्रीन टी

अँटिऑक्सिडंट गुणधर्माने समृद्ध असलेला ग्रीन टी (Tea) फुफ्फुसांसाठी खूप फायदेशीर आहे. वाढत्या प्रदूषणाचा सामना करण्यासाठी फुफ्फुस निरोगी ठेवण्यासाठी ग्रीन टीची मदत होऊ शकते. यामुळे फुफ्फुसातील सूज कमी होण्यास मदत होते.

4. पुदिना चहा

पुदिन्याच्या चहामध्ये डिटॉक्सिफायिंग गुणधर्म आढळतात. जे फुफ्फुसांना स्वच्छ करते. हा चहा फुफ्फुसांना प्रदूषणापासून वाचवतो. तसेच पुदिन्याचा चहा प्यायल्याने चयापचाय वाढते, ज्यामुळे वजन कमी होण्यास मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा