लग्न हा प्रत्येक व्यक्तीच्या आयुष्यातील एक मोठा टप्पा असतो. असं म्हणतात लग्न हे केवळ दोन व्यक्तींचं होत नाही तर ते दोन कुटुंबांचं होतं. सामान्यपणे हिंदू धर्मामध्ये मुलगी लग्न करून मुलाच्या घरी जाते. यावेळी ती मुलाच्या घराला स्वतःच घर समजते आणि त्यानुसार वागू लागते.

मात्र असं अनेकदा दिसून येतं की, मुली त्यांचं सासरचं घर आपलं मानतात. मात्र मुलं असं करताना दिसत नाही. मुलांना त्याच्या सासू-सासऱ्यांचं घर आपलं म्हणायला काहीशा अडचणी येतात. परंतु हे असं का घडतं, हे जाणून घेऊया.

संस्कार आणि परंपरा

भारतीय समाजात सासरच्या घरी गेल्यावर मुलींना ते स्वीकारून त्याच्या वेगळ्या भूमिका स्वीकाराव्या लागतात. यावेळी सासरचे संस्कार आणि परंपरा पाळल्या पाहिजेत हे त्यांना लहानपणापासूनच शिकवलं जातं. याउलट मुलांना आईवडिलांच्या घरी राहण्याची सवय असते. त्यामुळे त्यांना अशी शिकवण दिली जात नाही. त्यामुळे मुलांमद्ये असा बदल होणं काहीसं आव्हानात्मक असतं.

इमोशनल कनेक्शन

लग्नानंतर आपलं घरं सोडून जाणं हा प्रत्येक मुलीसाठी एक इमोशनल निर्णय असतो. अशावेळी मुली अनेकदा आपल्या पतीच्या कुटुंबामध्ये रूळतात. त्यानंतर त्या हळूहळू सासरचं घर आपलं मानू लागतात. तर दुसरीकडे मुलं सासरच्या लोकांशी इमोशनल संबंध निर्माण करू शकत नाही.

अपेक्षा

भारतीय समाजात मुलांकडून काहीशा अपेक्षा असतात. यावेळी मुलांवर कुटुंबाला हातभार लावण्यासाठी आणि पालकांची काळजी घेण्यासाठी दबाव असतो. कदाचित या कारणामुळे मुलं पत्नीच्या कुटुंबापासून दूर राहतात. याउलट मुलींनी आपल्या कुटुंबाच्या अपेक्षा पूर्ण कराव्यात असंही त्यांचं मत असतं.

घरातील वेळ

लग्नानंतर मुली नवऱ्याच्या घरी राहतात. त्यामुळे त्यांचं संपूर्ण आयुष्य सासरच्या व्यतीत होतं. अशा परिस्थितीत नववधूला मुलाचं घर हे आपलं घर मानण्याशिवाय पर्याय नसतो. याउलट मुलं सासरच्या घरी फार कमी वेळ जातात किंवा त्या ठिकाणी वेळ घालवतात. त्यामुळे अशा वेळी मुलं पत्नीच्या घराला जास्त आपलंसं समजत नाहीत.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही.