राज्यात काल रात्रीपासूनच मुसळधार पाऊस पडत आहे. मुसळधार पावसाचा परिणाम संपूर्ण जनजीवनावर झाला आहे.

मुसळधार पावसामुळे रेल्वे सेवा कोलमडली आहे. रेल्वे स्थानकावर प्रवाशांची गर्दी पाहायला मिळत आहे. भांडूप रेल्वे स्थानकावर सकाळी प्रचंड पाणी साचले होते.

मुंबईत अंधेरी सबवे बंद ठेवण्यात आला आहे तर ठाण्यातदेखील अनेक ठिकाणी सखल भागात पाणी साचले आहे.

मुसळधार पावसामुळे नागरिकांच्या घरात आणि दुकानात पाणी शिरले आहे. त्यामुळे व्यावसायिकांचे प्रचंड नुकसान झाले आहे.

मुसळधार पावसामुळे शाळा- महाविद्यालयांना सुट्टी जाहीर करण्यात आली आहे.

बदलापूर, वांगणी, कल्याण रेल्वे स्थानकावर रेल्वे सेवा बंद झाली होती. त्यामुळे बदलापूर रेल्वे स्थानकावर चाकरमान्यांची गर्दी झाली होती.

सखल भागात पाणी साचल्याने प्रचंड वाहतूक कोंडी होण्याची शक्यता आहे. त्यामुळे नागरिकांना सतर्कतेचा इशार देण्यात आला आहे.

मुंबईत अनेक ठिकाणी जोरदार पाऊस झाला आहे. मुंबईत सर्वाधिक पावसाची नोंद या भागात झाली आहे.वीर सावरकर मार्ग महानगरपालिका शाळा (३१५.६ मिमी), एमसीएमसीआर पवई (३१४.६ मिमी),मालपा डोंगरी महानगरपालिका शाळा (२९२.२ मिमी), चकाला महानगरपालिका शाळा (२७८.२ मिमी), आरे वसाहत महानगरपालिका शाळा (२५९.० मिमी), हिंदुहृदयसम्राट बाळासाहेब ठाकरे महानगरपालिका शाळा (२५५.० मिमी) या भागात सर्वाधिक पाऊस पडला आहे.