कर्मचारी भविष्य निधी संघटनेने (EPFO) नोकरदारांसाठी एक महत्वाची आणि सोयीची घोषणा केली आहे.

आतापर्यंत सेवेत असताना कर्मचाऱ्यांचा मृत्यू झाल्यास त्यांच्या कुटुंबीयांना किंवा नॉमिनीला 8.8 लाख रुपयांची एक्स ग्रेशिया मदत मिळत होती.

मात्र आता ही रक्कम वाढवून तब्बल 15 लाख रुपयांपर्यंत नेण्यात आली आहे.

कर्मचारी भविष्य निधी संघटनेच्या या निर्णयामुळे कर्मचाऱ्यांच्या मृत्यूनंतर त्यांच्या कुटुंबीयांना मोठा दिलासा मिळणार आहे.

मिळालेल्या माहितीनुसार, ही रक्कम राशन स्टाफ वेल्फेअर फंडातून दिली जाणार आहे. 1 एप्रिल 2026 पासून दरवर्षी पाच टक्क्यांनी या रकमेतील वाढ करण्यात येईल.

केंद्रीय बोर्ड ऑफ ट्रस्टींच्या बैठकीत हा निर्णय घेण्यात आला असून यात सरकार, कंपनी प्रतिनिधी आणि कर्मचारी संघटनांचे सदस्य सामील होते.

वाढत्या महागाईचा आणि दैनंदिन गरजांचा विचार करून हा निर्णय घेण्यात आला असल्याचे EPFOने स्पष्ट केले आहे.

त्यामुळे आता अचानक झालेल्या मृत्यूमुळे कुटुंबावर ओढवणाऱ्या आर्थिक संकटाला थोडा आधार मिळणार आहे.