आषाढी एकादशीसाठी राज्यभरात वारकरी पंढरपूरला निघालेले आहेत. राज्याचे मुख्यमंत्री देखील आषाढी वारीच्या सोहळ्यात सहभागी झाल्याचे काही फोटो समोर आलेत.

यावेळी कपाळावर चंदन आणि गळ्यामध्ये वीणा असं मुख्यमंत्री एकनाथ शिंदे यांचं रूप पाहायला मिळालं. यावेळी मुख्यमंत्री एकनाथ शिंदे विठुनामात दंग झाल्याचे पाहायला मिळाले.

मुख्यमंत्री एकनाथ शिंदे काल पालखी सोहळ्यात सहभागी झाले होते. यावेळी त्यांच्यासोबत मंत्री गिरीश महाजन आणि दादा भुसे देखील होते.

आषाढी एकादशीच्या पार्श्वभूमीवर एकनाथ शिंदेंनी पाहणी केली. यावेळी त्यांनी दिंडीतील वारकऱ्यांसोबत संवाद देखील साधला आहे. यावेळी मुख्यमंत्री एकनाथ शिंदे यांनी चंद्रभागा नदीत पाय धुतले होते.

मुख्यमंत्री भजनात तल्लीन झाल्याचं पाहायला मिळालं. मुख्यमंत्री एकनाथ शिंदे यांनी वारकरी संप्रदायाचा ध्वज खांद्यावर घेतला होता. मुख्यमंत्री एकनाथ शिंदेनी वारीमध्ये टाळ वाजवल्याचं देखील समोर आलंय.

आषाढी एकादशी १७ जूलै रोजी आहे. गतवर्षीप्रमाणे यंदाच्या आषाढी एकादशीला विठुरायाच्या पूजेचा मान मुख्यमंत्री एकनाथ शिंदे यांनाच मिळणार आहे.

राज्यात सध्या आषाढी एकादशीची लगबग दिसत आहे. मुख्यमंत्र्यांनी देखील टाल वीणा वाजवत वारीचा आनंद लुटला आहे.