पंचांग

गुरुवार,२७ नोव्हेंबर २०२५, मार्गशीर्ष शुक्लपक्ष.

तिथी-सप्तमी २४|३१

रास-मकर १४|०७ नं. कुंभ

नक्षत्र-धनिष्ठा

योग-ध्रुव

करण-गरज

दिनविशेष-शुभ दिवस

मेष - चरतत्वाची आपली असणारी रास. प्रवासामधून फायदा होईल. कामाच्या ठिकाणी बढतीचे योग आहेत. सामाजिक क्षेत्रात प्रगती होईल. राजकीय प्रगतीचे सुद्धा योग आहेत.पडद्यामागील भूमिका घेणे आज जास्त बरे ठरेल.

वृषभ- उपासनेला दिवस चांगला आहे. सद्गुरूंची विशेष कृपा आपल्याला लाभेल. कला क्रीडा क्षेत्रात विशेष प्रगती होईल. उच्च शिक्षणाचे योग आहेत.मित्र-मैत्रिणींच्या कडून लाभ होणार आहेत.

मिथुन - जोडीदाराच्या कुटुंबीयांकडून धनलाभ होतील. प्रेमामध्ये काहीतरी मोठा निर्णय आज घ्यावा लागेल. त्याचे पडसाद मोठ्या प्रमाणावर होतील. भ्रष्टाचारापासून स्वतःला चार हात लावून ठेवणे आज गरजेचे आहे.

कर्क - जोडीदाराच्या मागण्या मान्य करण्यामध्ये आज व्यस्त असाल. मग वैवाहिक जीवनाचा जोडीदार आणि व्यवसायाचा भागीदार. दोघांचेही ताळमेळ साधताना त्रेधा उडेल. मात्र दिवसाचा शेवट काहीतरी चांगले गवसले आहे असा असेल.

सिंह - आज दिवसभरात कमीत कमी रिस्क घेणे गरजेचे आहे. नको तेवढी ओढाताण आणि ताणतणाव आपले मनस्वास्थ्य खराब करणारे ठरू शकेल. स्वतःचा मोठेपणा न मिरवता कामे केल्यास दिवस बरा जाईल.

कन्या - शेअर बाजारामध्ये भरारी मारण्याचा दिवस आहे. काहीतरी चांगले गुंतवणूक कराल अर्थात आपली रास बौद्धिक रास असल्यामुळे हिशोब व्यवस्थित करून मार्ग शोधा. संतती सुखासाठी दिवस चांगला आहे.

तुळ - गृहसौख्यआणि मातृसौख्य, वाहन सौख्य याच्यासाठी दिवस सुखदायक आहे. जे ठरवायचे ते कराल. मुख्य म्हणजे आपल्या कुटुंबीयांच्या सहकार्याने पुढे जाण्याचे योग आहेत.

वृश्चिक- शेजारील व्यक्तीचे सहकार्याने आज पुढे जाणार आहात. अडचणींवर मात करत दिवस पार पडणार आहे. स्वतःच्या पराक्रमावर तुम्हाला अभिमान वाटेल. भावंड सौख्यही चांगले आहे.

धनु - आपण केलेल्या कामाचे योग्य श्रेय आपल्याला आज मिळणार आहे. यासाठी जवळच्या लोकांकडून सहकार्य सुद्धा लाभेल. एकत्रितरित्या भोजनाची मेजवानी कुटुंबीयांबरोबर लुटाल.

मकर - स्वतःमध्ये व्यस्त राहणे आज योग्य ठरेल. कामांची धावपळ आज नेहमीपेक्षा अधिक असेल. केलेल्या कामामधून आनंद अधिक मिळेल. आपला सकारात्मक ओरा इतरांना भावेल.

कुंभ - न ठरवता खर्च होणार आहेत. कामाची दगदग असेल. संशोधनात्मक कार्यात यश मिळेल. पण कर्ज, अफवा,बंधन अशा काही गोष्टीत आपण अडकण्याची शक्यता आहे.

मीन - मैत्रीचे बंध पक्के होतील. सून आणि जावई यांच्याकडून विशेष आदर आजच्या दिवशी मिळणार आहे. विविध लाभ होतील दिवस यशाकडे नेणारा आहे.