हिंदू धर्मात ज्योतिषशास्त्राला विशेष महत्त्व दिलं गेलं आहे. शास्त्रांनुसार धार्मिक दृष्टिकोनातून ग्रहणाला अशुभ मानलं जातं. चंद्रग्रहण ही एक महत्त्वाची खगोलीय घटना असून धार्मिक श्रद्धेनुसार या काळात कोणतेही शुभ वा मंगल कार्य केले जात नाही. लवकरच वर्षातील दुसरे चंद्रग्रहण लागणार असून यावेळी ते भारतातही दिसणार आहे.

या ग्रहणाचा थेट परिणाम मानवी जीवनावर तसंच सर्व राशींवर होणार आहे. या ग्रहणातून काहींना शुभ तर काहींना अशुभ असं दोन्ही परिणाम भोगावे लागू शकतात. काही राशींसाठी मात्र हे ग्रहण अत्यंत प्रतिकूल ठरणार आहे.

चंद्रग्रहणाची वेळ

वर्षातील दुसरं चंद्रग्रहण ७ सप्टेंबर रविवार म्हणजेच रात्री ९ वाजून ५८ मिनिटांनी सुरू होईल आणि ८ सप्टेंबर पहाटे १ वाजून २६ मिनिटांनी समाप्त होणार आहे. ज्योतिषानुसार हे चंद्रग्रहण ‘ब्लड मून’ स्वरूपात दिसणार आहे. या वेळी चंद्र पूर्णपणे लालसर रंगाचा भासेल.

कर्क रास

कर्क राशीचा अधिपती ग्रह चंद्र असल्यामुळे या ग्रहणाचा प्रतिकूल परिणाम थेट कर्क राशीवर होणार आहे. ग्रहणकाळात चंद्राची शक्ती कमी होते. त्यामुळे या राशीच्या व्यक्तींनी मानसिक स्थिरता राखणे गरजेचे आहे. आरोग्य आणि नातेसंबंध याकडेही विशेष लक्ष द्यावे लागेल.

कन्या रास

या वर्षातील दुसरं चंद्रग्रहण कन्या राशीच्या सहाव्या भावात होतंय. त्यामुळे कामकाजावर नकारात्मक परिणाम दिसून येऊ शकतो. या काळात कोणत्याही मोठ्या कार्याची सुरुवात टाळावी. धन, नाती आणि आरोग्य या सर्व बाबतीत हे दिवस प्रतिकूल ठरू शकतात.

कुंभ रास

या वेळी होणारं चंद्रग्रहण थेट कुंभ राशीतच होत असल्याने या राशीच्या लोकांनी अधिक सतर्क राहणं आवश्यक आहे. ग्रहणाच्या छायेमुळे आरोग्याच्या तक्रारी निर्माण होऊ शकतात. त्याचप्रमाणे नातेसंबंधांमध्ये मतभेद किंवा वादाचं वातावरण होण्याची शक्यता आहे.

मीन रास

मीन राशीच्या द्वादश भावात हे ग्रहण होत असल्यामुळे त्रासदायक परिस्थिती उद्भवू शकते. हा भाव हानीशी संबंधित असल्याने अनावश्यक खर्च वाढण्याची शक्यता आहे. आरोग्य आणि नातेसंबंध यांच्या बाबतीतही सावध राहणे अत्यावश्यक ठरेल.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)