वैदिक ज्योतिष्य शास्त्रानुसार, ग्रह त्यांच्या राशीप्रमाणे नक्षत्रात देखील गोचर करतात. नवग्रहांमध्ये शनी देवाला खूप महत्त्व देण्यात येतं. शनि हा न्याय देणारा आणि कर्मफल देणारा मानला जातो. शनि एका राशीत सुमारे अडीच वर्षे राहतो. यावेळी शनीदेव वेळोवेळी नक्षत्र देखील बदलतात.

ज्योतिषशास्त्रानुसार शनी सध्या राहूच्या नक्षत्रात शतभिषा नक्षत्रात असून वर्षाच्या शेवटी म्हणजे डिसेंबर महिन्यात शनी नक्षत्र बदलून पूर्वा भाद्रपद नक्षत्रात प्रवेश करणार आहे. शनीने गुरूच्या नक्षत्रात प्रवेश केल्यामुळे काही राशींचे भाग्य चमकणार आहे. जाणून घेऊया या राशी कोणत्या आहेत.

वृषभ रास

पूर्वा भाद्रपद नक्षत्रात शनीचं गोचर या राशीच्या लोकांसाठी खूप फायदेशीर ठरू शकणार आहे. या राशीच्या लोकांना मोठ्या आर्थिक लाभासोबतच नोकरी आणि व्यवसायात मोठं यश मिळणार आहे. या काळात पगारवाढीसह काही मोठी जबाबदारी सोपवली जाऊ शकते. तुमची आर्थिक स्थिती चांगली राहणार आहे.

सिंह रास

या राशीच्या लोकांना प्रत्येक क्षेत्रात यश मिळू शकते तसेच भरपूर पैसाही मिळू शकणार आहे. भागीदारीत केलेल्या कामाचा मोठ्या प्रमाणात नफा मिळण्याची शक्यता आहे. आर्थिक स्थिती चांगली असू शकते. नोकरदारांनाही भरपूर लाभ मिळण्याची शक्यता आहे.

कन्या रास

या राशीच्या लोकांसाठी शनीचं नक्षत्र गोचर फायदेशीर ठरू शकणार आहे. करिअरच्या क्षेत्रात तुम्हाला नशिबाची पूर्ण साथ मिळू शकणार आहे. हा काळ विद्यार्थ्यांसाठी खूप फायदेशीर ठरू शकतो. वैवाहिक जीवनातच आनंद येऊ शकणार आहे. कामाच्या ठिकाणी तुमचं कौतुक होणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)