आजचे पंचांग

शनिवार,३० ऑगस्ट२०२५,भाद्रपद शुक्लपक्ष

तिथी-सप्तमी

रास- तुला ०७|५३ नं. वृश्चिक

नक्षत्र-विशाखा

योग-ऐंद्र योग

करण-गरज

दिनविशेष-विशाखावर्ज्य

मेष - सुखी संसाराची स्वप्न रंगवली आहेत ती आज साकार होण्याचा दिवस आहे. पण आपल्या राशीचे असणारे गुण जसे अचानक तापटपणा याच्यावर आज नियंत्रण मिळवा. कोर्टाच्या कामातही यश मिळेल .

वृषभ - जोडीदारासाठी पैसा खर्च करावा लागेल. कदाचित घरातील लोकांसाठी किंवा स्वतःसाठी आरोग्याच्या तक्रारी आज निर्माण होतील. सोप्या गोष्टी अवघड होऊन बसतील. काळजी घ्यावी.

मिथुन - श्रीकृष्ण उपासना फलदायी ठरेल.क्रीडा क्षेत्रामध्ये संततीकडून तसेच मनोरंजनाबाबत विशेष चांगल्या वार्ता आज कानी येतील.धनयोग उत्तम आहेत.

कर्क - घरी पाहुण्यांचे आगमन होईल. मन प्रसन्न राहील. आईकडून विशेष वात्सल्य आणि जिव्हाळा मिळेल. दिवस चांगला आहे. तो सार्थकी लावा.

सिंह - निधड्या छातीने कामे कराल.आलेल्या सर्व संधीचे सोने करायचे ताकद आज तुमच्या मध्ये आहे.वेगळाच पराक्रम कराल. भावंडांचे सहकार्याने पुढे जाल.

कन्या - अनेक दिवस प्रतीक्षेत असलेल्या कुटुंबीयांच्या चर्चा आणि निर्णय आज सुरळीत होतील. घरातील ज्येष्ठांच्या सहकार्याने पुढे जाल. हिशोब ठेवणे खर्चाचा ताळमेळ साधणे याकडे आज विशेष लक्ष द्या.

तुळ - वास्तविक पाहता इतरांना समजून घेणारी आपली रास. मात्र आज तुम्हाला स्वतःकडे लक्ष द्यायला विशेष आवडेल. आपल्या धुंदीत आणि आनंदात जगण्याचा आजचा दिवस आहे. उमेद आणि उत्साह वाढता राहील.

वृश्चिक - काही दिवस राहिलेले सोपस्कार आज पूर्ण करा. रेंगाळत राहिलेली कामे आज पूर्ण होतील .मनस्थिती सांभाळून पाऊलवाट काढावी लागेल. काळजी घ्या.

धनु - काही दिवसांपूर्वी केलेले गुंतवणुकीचे आज फायदे होतील. मग ती मैत्री असो स्नेहबंध असो.अर्थात आर्थिक गुंतवणूक साठी अनेक लाभ घेऊन आलेला आजचा दिवस आहे.

मकर - सातत्याने काम करणे सामाजिक क्षेत्रात हिरीरीने सहभाग घेणे आपल्या राशीला आवडते. आज अशाच गोष्टी होतील. कामाचा आवाका वाढता राहील.

कुंभ - नातवंड सौख्याच्या दृष्टीने दिवस चांगला आहे. आपल्या जवळच्या लोकांच्याकडून सुवार्ता कानावर येतील. तुमच्या यशाची दालने आपोआप उघडतील. शिव उपासना करा.

मीन - काळा पैसा पासून सावध रहा. आपल्या साध्या स्वभावाला फसवणुकीचे आज योग आहेत. नको त्या मोहाला बळी पडू नका. मात्र नेटाने काम करत रहा.