दैनिक पंचांग - मंगळवार १ ऑक्टोबर २०२४ भाद्रपद कृष्णपक्ष. शस्त्रादिहत पितृ श्राध्द. तिथी- चतुर्दशी २१|४० रास- सिंह. १६|०२ नं.कन्या. नक्षत्र- पूर्वा. योग- शुक्ल योग. करण- विष्टिकरण. दिनविशेष- चतुर्दशी वर्ज्य

मेष - आपल्याला मिळालेले हे आयुष्य आपल्या काही पूर्वकर्माशी निगडित असते. पितृपक्ष सुरू असल्यामुळे या सर्व ऋणातून मुक्तीसाठी आज विशेष कर्म करावे. त्याचा फायदा होईल. उपासनेसाठी दिवस चांगला राहील.

वृषभ - खूप कालावधीपासून रेंगाळलेले जागेचे व्यवहार आज मार्गी लागतील. आपल्या आवडीच्या गोष्टींची खरेदी घरासाठी होईल. दिवस सुखाची प्राप्ती करून देणार असे दिसते आहे.

मिथुन - बोलण्यामध्ये पराक्रम दिसून येईल. व्यवसायाशी नवीन गोष्टी आज वाढीस लागतील. लोकसंग्रह वाढेल. स्वतःच्या व्यक्तिमत्त्वावर आज विशेष खुश व्हाल.

कर्क - धनयोग उत्तम राहतील. घरातील वातावरण आनंदी आणि हसरे खेळते असे असेल.पाहुण्यांची ऊठबस राहील. ठरवलेल्या गोष्टी योग्य वेळेत झाल्यामुळे एक प्रकारचे समाधान लाभेल.

सिंह - आपल्यातील असलेला आत्मविश्वास आज वेगळ्या प्रकारे उजळून निघेल. मोठे काम घेण्याची आणि ती पार पडण्याची धडाडी आज दिसेल. आपला प्रभाव इतरांवर राहील.

कन्या - असेल तर असेल नसेल तर नसेल हे मन सांगेल. पण निर्णय घेताना मात्र कचराल. द्विधा मनस्थिती दूर करावी लागेल. मानसिक अस्वस्थता जाणवून येईल. ध्यानावर लक्ष केंद्रित करा.

तूळ - प्रेमाच्या गोष्टीत यश मिळेल. साठून राहिलेल्या गोष्टी सहज व्यक्त कराल. मित्रांच्या सहकार्याने पुढे जाण्याचे आज योग आहेत. दिवसाच्या शेवटी आनंद भरलेला असेल.

वृश्चिक - आपल्यातली क्षमता सिद्ध करण्याचा आजचा दिवस आहे. अनेक हत्तींचे बळ घेऊन आज काम कराल. त्यामध्ये यशही दिसून येते आहे. पुढील गोष्टींची नव्याने पायाभरणी कराल.

धनु - प्रवासासाठी दिवस चांगल्या संधी घेऊन आलेला आहे. काही आखणी दूरच्या प्रवासांसाठी आज होऊ शकेल. आयुष्यामध्ये आपल्यासाठी सहज काही गोष्टी देवाने झोळीत टाकल्या आहेत. त्याकडे सकारात्मकतेने पहा.

मकर - अडचणींवर मातच करावी लागेल. गोष्टी ठरवल्या तर तशा होतील असे सांगता येत नाही. राशीलाच असणारा विलंब आज दिवसा मध्ये दिसणार आहे. हे स्वीकार करण्याच्या तयारीत रहा.

कुंभ - तुझ्या माझ्या मनाचे गुज उलगडेल असा जोडीदाराबरोबर चा दिवस आहे. तात्विक मतभेद राहिले तरी मनभेद होणार नाहीत. एकत्र येऊन अनेक चांगल्या गोष्टी कराल.

मीन - न केलेल्या गोष्टी मागे लागतील. सिद्ध करण्यात आपण हतबल राहाल. म्हणून काही ठराविक लोकांपासून जसे की नोकर चाकर, अजोळचे लोक, गुप्तशत्रू यांच्यापासून सावध राहण्याचे आज संदेश आहे.