दैत्‍यांचे गुरु शुक्र ग्रह ज्योतिषशास्त्रात अत्यंत महत्त्वाचे मानले जातात. संपत्ती, ऐश्‍वर्य, विवाह, प्रेम, आकर्षण, भोग-विलास यांचे ते प्रमुख कारक आहेत. शुक्र साधारणतः प्रत्येक राशीत २६ दिवस राहतो. त्यामुळे १२ राशींचा पूर्ण फेरफटका घेऊन पुन्हा त्याच राशीत परत यायला साधारण एक वर्षाचा कालावधी लागतो.

यंदा शुक्र ९ ऑक्टोबर रोजी बुधाची रास असलेल्या कन्या राशीत प्रवेश करणार आहे. कन्या ही शुक्राची नीच रास असल्यामुळे याठिकाणी शुक्राचा प्रभाव कमी होतो. परंतु, या वेळी सूर्यदेखील कन्या राशीत असल्यामुळे ‘नीचभंग राजयोग’ नावाचा विशेष योग निर्माण होत आहे.

वैदिक ज्योतिषशास्त्रानुसार, शुक्र ९ ऑक्टोबर रोजी सकाळी १० वाजून ५५ मिनिटांनी कन्या राशीत प्रवेश करणार आहेत. शुक्र आपल्या नीच राशीत असताना एखाद्या शुभ ग्रहासोबत युती झाली तर नीचभंग राजयोग तयार होणार आहे.

कन्या रास (Virgo)

या राशीच्या लग्नभावात नीचभंग राजयोग तयार होत आहे. यामुळे कन्या राशीच्या व्यक्तींना जीवनाच्या विविध क्षेत्रात मोठे यश मिळण्याची शक्यता आहे. जोडीदारासोबतचा काळ आनंददायी ठरू शकणार आहे. अविवाहितांना विवाहाचे प्रस्ताव येऊ शकणार आहेत. नोकरी करणाऱ्यांना पदोन्नतीसह पगारवाढीची शक्यता आहे. तर नोकरीच्या शोधात असलेल्यांनाही योग्य संधी मिळू शकते.

सिंह रास (Leo)

या राशीच्या दुसऱ्या भावात नीचभंग राजयोग तयार होणार आहे. कौटुंबिक मतभेद मिटण्याची शक्यता आहे. अविवाहितांना योग्य विवाह प्रस्ताव मिळू शकणार आहे. सामाजिक कार्यात सहभाग वाढेल आणि त्यामुळे समाजात मान-सन्मान वाढणार आहे. आर्थिकदृष्ट्याही सकारात्मक काळ येऊ शकतो.

वृश्चिक रास (Scorpio)

या राशीच्या एकादश भावात नीचभंग राजयोग होणार आहे. ज्यामुळे समाजात प्रतिष्ठा आणि सन्मान वाढण्याची शक्यता आहे. मित्रमंडळीसोबतचा वेळ आनंददायी जाणार आहे. नोकरी आणि व्यवसाय या दोन्ही क्षेत्रांत नवीन संधी प्राप्त होऊ शकणार आहे. आर्थिक दृष्टिकोनातूनही हा काळ लाभदायी ठरण्याची शक्यता आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)