Mangal Guru Yog: ऑक्टोबर महिन्यात बनणार 2 राजयोग; 'या' राशींवर बरसणार पैसा

ऑक्टोबर महिना धार्मिक आणि ज्योतिषीय दृष्ट्या अत्यंत महत्त्वाचा ठरणार आहे. याचं कारण म्हणजे या महिन्यात मोठे सण-उत्सव साजरे होणारच आहेत. मात्र त्याचसोबत ग्रह-नक्षत्रांची स्थिती देखील विशेष बदल घडवून आणणार आहे. ज्योतिषांच्या मते, या काळात गुरू आणि मंगळ एकत्र येऊन काही शुभ योगांची निर्मिती करणार आहेत.

ज्योतिष्य शास्त्रानुसार, या महिन्यात गुरू ग्रह उच्च राशी म्हणजे कर्क राशीत प्रवेश करणार आहेत. यामुळे ‘हंस महापुरुष राजयोग’ तयार होणार आहे. दरम्यान त्याचवेळी मंगळ ग्रह स्वतःच्या स्वराशीत म्हणजे वृश्चिक राशीत प्रवेश करून ‘रुचक राजयोग’ तयार करणार आहेत.

एका महिन्यात हे दोन्ही दुर्मिळ आणि शक्तिशाली राजयोग तयार होणं हे अत्यंत शुभ मानण्यात येतंय. या योगांचा प्रभाव काही राशींवर विशेषतः सकारात्मक राहणार असल्याचं ज्योतिष सांगणार आहेत.

मेष रास

या महिन्यात मेष राशीच्या जातकांचा आत्मविश्वास वाढणार आहे. आधीपासून अडकलेली कामं वेगाने पूर्ण होणार आहेत. करिअर आणि व्यवसाय क्षेत्रात नवी यशस्वी संधी उपलब्ध होऊ शकते. आर्थिक लाभ होण्याची शक्यता आहे आणि समाजात मान–सन्मान वाढणार आहे. वैवाहिक जीवन आनंदी राहणार आहे.

मिथुन राशी

मिथुन राशीसाठी हा काळ शुभ घडामोडी घेऊन येणार आहे. नवीन योजनांची सुरुवात करण्यासाठी हा योग्य काळ आहे. नोकरीत पदोन्नती किंवा बढती मिळण्याचे योग आहेत. आर्थिक स्थितीत सुधारणा होईल आणि कुटुंबात आनंदाचे वातावरण निर्माण होईल. उत्पन्नाचे नवे स्रोत खुले होऊ शकतात, ज्यामुळे आर्थिक स्थैर्य वाढेल.

कर्क राशी

गुरू ग्रहांचा उच्च राशीत प्रवेश कर्क राशीच्या जातकांसाठी अत्यंत लाभदायक ठरणार आहे. या काळात तुमचे भाग्य अधिक मजबूत होईल. करिअर आणि वैवाहिक जीवनाशी संबंधित क्षेत्रात यश मिळण्याची शक्यता आहे. कौटुंबिक जीवन आनंदी राहील आणि व्यवसायात आर्थिक लाभ होऊ शकतो. निर्णय घेताना आत्मविश्वासाने पुढे गेल्यास प्रगतीचे दरवाजे उघडतील.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)