वैदिक ज्योतिषशास्त्रानुसार बुध हा सर्वात प्रभावशाली ग्रह मानला जातो. साधारण पंधरा दिवसांनी तो एका राशीतून दुसऱ्या राशीत प्रवेश करतो. त्याचबरोबर काही कालावधीनंतर तो नक्षत्रही बदलतो. याचा थेट परिणाम काही राशींवर होत असतो. या महिन्याच्या अखेरीस म्हणजे 30 ऑगस्ट रोजी बुध सिंह राशीत प्रवेश करणार आहे. शिवाय त्याच दिवशी मघा नक्षत्रातही गोचर करणार आहे. बुध ज्यावेळी केतूच्या अधिपत्याखालील मघा नक्षत्रात प्रवेश करतो तेव्हा बुद्धी, विचारशक्ती आणि अध्यात्मिक क्षेत्रावर जास्त प्रभाव पडतो.

मघा नक्षत्राची माहिती

ज्योतिषशास्त्रात मघा हे आकाशातील 27 नक्षत्रांपैकी 10वे नक्षत्र मानलं जातं. या नक्षत्राचा स्वामी केतू असून तो पितृसंबंध आणि वंशपरंपरेशी जोडलेला मानला जातो. बुध 30 ऑगस्ट रोजी सायंकाळी 4 वाजून 48 मिनिटांनी मघा नक्षत्रात प्रवेश करेल आणि 6 सप्टेंबरपर्यंत तिथेच राहील. त्यानंतर तो पूर्वाफाल्गुनी नक्षत्रात जाणार आहे.

वृषभ राशी (Taurus)

वृषभ राशीच्या लोकांसाठी बुधाचा हा गोचर लाभदायक ठरू शकतो. या काळात नशीब तुमच्या पाठीशी असणार आहे. मनात दडवून ठेवलेल्या गोष्टी तुम्ही धाडसाने व्यक्त करू शकाल. यामुळे मन हलके वाटेल.

सिंह राशी (Leo)

सिंह राशीच्या लोकांना बुधाचा मघा नक्षत्रातील प्रवास अनेक क्षेत्रांत फायदेशीर ठरू शकतो. तुमच्या बुद्धीमत्तेत झपाट्याने वाढ होणार आहे. करिअर किंवा व्यवसायात संवादकौशल्याच्या जोरावर प्रगती साधता येणार आहे. समाजात मान-सन्मान मिळणार आहे. आर्थिक परिस्थिती चांगली राहील.

वृश्चिक राशी (Scorpio)

वृश्चिक राशीच्या लोकांसाठी हा काळ अतिशय शुभ ठरणार आहे. बुधाच्या या गोचरामुळे नशिबाची साथ मिळेल. बुद्धी आणि तर्कशक्ती वाढेल, ज्यामुळे अनेक क्षेत्रांत यश मिळू शकतं. जुने प्रश्न किंवा अडथळे यावर आता तोडगा निघू शकतो. आर्थिक स्थितीत सुधारणा होणार आहे. करिअरमध्ये लाभाचे संकेत आहेत.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)