सोमवार,२५ नोव्हेंबर २०२४,कार्तिक कृष्णपक्ष.

तिथी-दशमी २५|०२

रास- कन्या

नक्षत्र-उत्तरा

योग-विष्कंभ

करण-वणिज

दिनविशेष- १२ प. चांगला

मेष

पोटाचे आणि उष्णतेचे विकार आपल्याला आज सळो की पळो करून सोडतील. आपल्या खाण्यावर नियंत्रण ठेवा. अवास्तव आणि विनाकारण असणारी धावपळ आज टाळलेली बरी.

वृषभ

कलासक्त आणि कलंदर आपले आयुष्य असते. आज या कलेविषयी प्रेम उफाळून येईल. थिएटर गाजवाल. प्रेमाची परिणीती लग्नाच्या बोलण्यात होण्यासाठी आजचा दिवस अनुकूल आहे ही संधी सोडू नका.

मिथुन

आपली असणारी बोलकी आणि बौद्धिक रास आज अनेक गोष्टी सहज पार पाडेल. घरातील महत्त्वाचे निर्णय आज आपल्याला घ्यायला लागतील. शेती - बागायतीच्या कामांमध्ये विशेष लक्ष घालावे.

कर्क

शेजाऱ्यांशी सौर्हाद्याचे संबंध राहतील. अनुकूल घटना घडतील. लेखन, प्रकाशन या कामांमध्ये प्रगती होईल. लेखणीला भावनिक ओलावा असेल असे काव्य प्रसवेल.

सिंह

घरी पाहुण्यांचे आगमन होईल. लक्ष्मी चंचल असल्याचा आज भास होईल. मोठी गुंतवणूक करण्यासाठी आजच्या दिवसाची चांगली संधी आहे.

कन्या

आपले हसू इतरांना मोहवून टाकणारे असते. दिवसाची सुरुवात छान होईल आणि शेवटही चांगला होईल. बुद्धिमान असणारी रास आज स्वतःच्या आनंदात दिवस मस्त राहील. आपला ओरा उजळून निघेल.

तुळ

नातेवाईक, घर - संसार, व्यवसाय, आपली धावपळ या सर्व गोष्टी सांभाळताना तारेवरची कसरत होईल. पण या गोष्टी आपल्याला रुचणार आहेत. फक्त आपली वस्तू गहाळ होणार नाही ना याची आज काळजी घ्या.

वृश्चिक

आयुष्य सातत्याने नवनवीन संधी तुमच्या झोळीत टाकत असते. फक्त त्यासाठी डोळे उघडून ठेवून पाहावे लागते. मित्रांचे अपार प्रेम आज लाभेल. नव्याने जुन्या गोष्टींची सुरुवात कराल.

धनु

राजकारण आणि समाजकारणामध्ये यश आहे. कामाच्या ठिकाणी योग्य ते ॲप्रिसिएशन मिळाल्यामुळे आज मन खुश राहील. वरिष्ठांच्याकडून कदर कनिष्ठानकडून आपला आदर वाढेल.

मकर

भाग्यवंत होण्याचा आजचा दिवस आहे. आजपर्यंत केलेल्या कष्टाचे चीज होताना दिसेल. कामाचे आयोजन नियोजन योग्य झाल्यामुळे ठरवलेली कामे प्रकाश झोतात येताना दिसतील.

कुंभ

कटकटी आणि त्रास आज ओढवून घेऊ नका. भ्रष्टाचार लाच लुचपत यामध्ये अडकण्याचे आज योग आहेत. तब्येत जपा तर शरीर आपल्याला जपेल.

मीन

नको असलेल्या गोष्टी मागे लागतील. जसे की कोर्टकचेरी, कज्जे.व्यवसाय वाढीसाठी बैठका होतील. पण सगळ्याच गोष्टी मनासारख्या घडतील असा दिवस नाही. इतरांशी जुळवून घ्यावे लागेल. प्रवास घडतील.

ज्योतिषाचार्य अंजली पोतदार