ग्रहांचा सेनापती मंगळ आत्मविश्वास, साहस, ऊर्जा आणि पराक्रम यांचा कारक मानला जातो. साधारणपणे 45 दिवसांनी मंगळ ग्रह राशी परिवर्तन करतो, ज्याचा परिणाम सर्व 12 राशींवर दिसून येतो. नव्या वर्षाच्या सुरुवातीला मंगळ धनु राशीत विराजमान असणार आहेत. 16 जानेवारीला ते मकर राशीत प्रवेश करतील. मकर राशीत प्रवेश केल्यावर मंगळाचा सूर्याशी संयोग होईल. याशिवाय 18 जानेवारीला चंद्र देखील याच राशीत प्रवेश करेल. अशा परिस्थितीत मंगळ–चंद्र युतीमुळे महालक्ष्मी राजयोग तयार होईल.

मंगळ आपल्या उच्च राशीत म्हणजे मकर राशीत असल्यामुळे या राजयोगाचं फळ अधिक मिळण्याची शक्यता आहे. या योगामुळे काही राशींच्या जातकांना विशेष लाभ मिळण्याची शक्यता आहे. यावेळी कोणत्या राशींसाठी चांगली सुरुवात असणार आहे ते पाहूयात.

मकर रास (Capricorn Zodiac)

मकर राशीच्या व्यक्तींसाठी मंगळ–चंद्र युतीने तयार होणारा महालक्ष्मी राजयोग अत्यंत लाभदायक ठरू शकतो. हा राजयोग तुमच्या राशीच्या लग्न भावात तयार होत आहे. त्यामुळे या काळात तुम्हाला विशेष फळांची प्राप्ती होणार आहे. सुख–समृद्धी मिळण्याची शक्यता आहे. भौतिक सुखांची प्राप्ती होणार आहे.

मेष रास (Aries Zodiac)

मेष राशीच्या जातकांसाठी महालक्ष्मी राजयोग आनंद घेऊन येऊ शकणार आहे. मंगळ आपल्या उच्च राशीत असल्यामुळे या राशीवर सर्वाधिक प्रभाव दिसून येणार आहे. या काळात देवी लक्ष्मीची विशेष कृपा तुमच्यावर राहणार आहे. या काळात एखादी चांगली बातमी मिळू शकते.

तूळ रास (Libra Zodiac)

तूळ राशीच्या व्यक्तींसाठी महालक्ष्मी राजयोग अत्यंत लाभदायक ठरू शकणार आहे. हा राजयोग तुमच्या चतुर्थ भावात तयार होणार आहे. या काळात अचानक धनलाभ होऊ शकतो. समाजात मान–सन्मान वाढण्याची शक्यता आहे. जीवनात आनंदाचे क्षण येतील.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)