ज्योतिष शास्त्रानुसार, ग्रह-नक्षत्रांच्या चालीनुसार प्रत्येक राशींचं भविष्य पाहिलं जातं. उद्या म्हणजेच 6 जुलैचा दिवस काही राशींसाठी फार शुभ असणार आहे. ज्योतिष्यशास्त्रात प्रत्येक राशीचा एक स्वामी असतो. त्या ग्रहाचा त्या राशीवर जास्त प्रभाव असतो. एकादशीच्या दिवशी बारा राशींपैकी ५ राशींना मोठा धनलाभ होणार आहे. त्यांच्या जीवनातील सर्व संकटं दूर होणार आहेत. कोणत्या राशींना फायदा होणार आहे, हे जाणून घेऊ.

मेष राशी

मेष राशीसाठी उद्याचा दिवस भारी असणार आहे. व्यापारी वर्गातील लोकांना चांगला लाभ मिळण्याची शक्यता आहे. नोकरदार वर्गातील लोकांच्या उत्पन्नात वाढ होण्याची शक्यता आहे. विवाहितांसाठी उद्याचा दिवस फार शुभ असणार आहे. आषाढी एकादशी असल्या कारणाने तुमच्यावर विठोबाची कृपा असणार आहे .

मिथून

या राशीसाठी आषाढी एकादशीचा दिवस खूप खास असणार आहे. एकादशीच्या दिवशी काही जण नवीन कार्याची सुरुवात करतील. तसेच तुमच्या आर्थिक स्थितीत सुधारणा झालेली दिसेल. काही खास लोकांशी गाठीभेटी होतील. या दिवशी तुम्ही नवीन वस्तूंची खरेदी देखील करू शकता.

कर्क

कर्क राशीसाठी हा दिवस खूप चांगला असणार आहे. उत्पन्नाचे नवीन स्त्रोत मिळण्याची शक्यता आहे. तसेच ज्या लोकांचे पैसे कोणाकडे अडकले असतील किंवा कोणत्या प्रकरणातील पैसा येणारा असेल तो पैसा परत मिळतील. बहुतेकांच्या घरात आनंदी वातावरण पाहायला मिळेल. धार्मिक कार्यात सहभाग घडेल. या राशीचे काही जातक आपल्या जोडीदाराबरोबर फिरायला जाण्याचा प्लॅन करू शकतील.

तूळ

तूळ राशीसाठी एकादशीचा दिवस भाग्यशाली ठरणार आहे. यादिवशी काहीजण मित्रांबरोबर चांगला वेळ घालवतील. तसेच ज्या लोकांच्या पैशांशी संबंधित समस्या असतील तर त्या दूर होतील. काहीजण नवीन वस्तूंची खरेदी करतील. विवाहितांसाठी हा काळ चांगला असेल.

धनू राशी

धनु राशीच्या लोकांसाठीही आषाढी एकादशीचा दिवस फार भारी असणार आहे. या दिवशी सकारात्मक दृष्टीकोन असेल. शुभ कार्याची सुरुवात करण्यासाठी एकादशीचा दिवस चांगला आहे. दिवस चांगला जावा असं वाटत असेल तर नकारात्मक लोकांपासून दूर राहा. तुमचा मानसिक तणाव कमी होईल.

(Disclaimer - या ठिकाणी दिलेली माहिती ज्योतिष शास्त्रावर आधारित आहे. या गोष्टींना साम टीव्ही दुजोरा देत नाही.)