वैदिक ज्योतिष्य शास्त्रानुसार, प्रत्येक ग्रह एका ठराविक काळानंतर त्यांच्या राशीमध्ये बदल करतो. यावेळी मंगळ 7 डिसेंबर रोजी कर्क राशीत वक्री चाल चालणार आहे. ज्योतिष शास्त्रानुसार, मंगळ ज्यावेळी वक्री चाल चालतो तेव्हा हा काळ अनेक समस्या घेऊन येतो.

मंगळाच्या उलट हालचालीचा सर्व 12 राशींवर काही प्रमाणात परिणाम होतो. मंगळाच्या वक्री गतीचा काही राशीच्या लोकांवर अशुभ परिणाम होऊ शकतो. ७ डिसेंबरपासून कोणत्या राशींच्या व्यक्तींचा कठीण काळ सुरु होणार आहे ते पाहूयात.

मेष रास

मंगळ तुमच्या चौथ्या घरात वक्री असणार आहे. या काळात घरामध्ये तणाव वाढू शकतो. तुम्हाला करिअरमध्ये अडचणी येऊ शकतात. कामाच्या ठिकाणी सहकाऱ्यांशी वाद होऊ शकतात. व्यवसायात नुकसान होण्याची शक्यता आहे. कुटुंबात मतभेद होण्याची शक्यता आहे.

वृषभ रास

मंगळ तुमच्या तिसऱ्या घरात वक्री होणार आहे. या काळात तुमच्या नात्यात गैरसमज वाढण्याची शक्यता आहे. नोकरीत बदलीचे संकेत आहेत. व्यवसायात तुमच्या मेहनतीचे पूर्ण फळ मिळणार नाही. प्रवासात काळजी घेणं गरजेचं आहे अन्यथा नुकसान होऊ शकतं. कुटुंबामध्ये कलह होण्याची दाट शक्यता आहे.

सिंह रास

मंगळ तुमच्या बाराव्या घरात वक्री असणार आहे. नशीब तुमच्या बाजूने कमी असल्याने व्यवसायातही नुकसान होण्याचा धोका आहे. मानसिक तणाव वाढू शकतो. प्रवास करताना काळजी घ्यावी लागणार आहे. व्यवसायातील भागीदारी तुटू शकते आणि खर्च वाढू शकतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)