आजचे पंचांग २९ मे २०२४

 वार - बुधवार. तिथी - कृष्ण षष्ठी. नक्षत्र -  श्रवण. योग - इंद्र .करण - वाणिज. रास - मकर २०.०६ नंतर कुंभ. दिनविशेष - १६पर्यंत चांगला.

मेष : शिव उपासना करा

कामाच्या ठिकाणी विशेष यश मिळण्यासाठी शिव उपासना फलदायी ठरेल. नव्याने कामाची मुहूर्तमेढ रोवली जाईल.

वृषभ : ताळमेळ साधा

प्रपंच आणि परमार्थ यांचा आज ताळमेळ साधता आला पाहिजे. नुसतेच काम किंवा नुसतेच देवदेव हे आयुष्य नसते दोघांमध्ये समन्वय साधा दिवस चांगला राहील.

मिथुन : धनलाभाचे योग

भ्रष्टाचार किंवा वाईट मार्गाने पैसे आज मिळवू नका. दिवस त्रासाचा राहील. मनस्वास्थ्य आणि शरीर स्वास्थ दोन्हीही जपा. अचानक धनलाभाचे योग आहेत.

कर्क : कामामध्ये यश मिळेल

कोर्ट कचेरीच्या कामामध्ये यश मिळेल. व्यवसाय व्यापारासाठी दिवस चांगला. छान नियोजन करा. यश आपलेच आहे.

सिंह : नोकरीत दगदग होईल.

जुने आजार डोके वर काढतील.आज विशेष व्यायाम, आहार याच्यावर लक्ष द्या. शारीरिक त्रास होणार नाही ना हे पहा. नोकरीमध्ये दगदग होण्याचा आजचा दिवस आहे.

कन्या : आज आनंद शोधाल

हाताची कलाकुसर आज वृद्धिंगत होईल. काही छान गोष्टी करायचा मूड राहील. त्यामध्येच आज आनंद शोधाल.

तूळ : सावधगिरीने वागा

वाहने सावकाश चालवावी. वेगावर नियंत्रण ठेवा. दिवस संमिश्र स्वरूपाचा राहील.

वृश्चिक : यश पदरात पडेल

अपेक्षांना पंख मिळतील गगनचुंबी विचार मनामध्ये येतील. आणि त्यामध्ये स्वतःला झोकून देऊन काम कराल. यश पदरात पडेल.

धनु : छान फल मिळेल

दत्त उपासना करा. आज छान फल मिळेल. कुटुंबीयांसोबत दिवस चांगला राहील. विशेष गाठीभेटी होतील. त्यातून पुढील फायदा अपेक्षित आहे.

मकर : सकारात्मकता वाढेल

मस्त दिवस. आवडीच्या गोष्टी करण्यासाठी आकाश वृंदावलेले राहील. सकारात्मकता वाढेल. हौशी राहाल.

कुंभ : मनस्तापाचा टाळा

काळजी आणि चिंता भगवंतावर सोडून द्या. स्वतः फक्त नेटाने काम करा मात्र आपल्याला कोणी फसवत नाही ना याकडे लक्ष द्या. आजचा दिवस तसा मनस्तापाचा तो टाळा.

मीन : भरभराटीचा दिवस

जुने मैत्रीचे बंध वृद्धिंगत होतील. यश मिळेल. लाभ मिळेल. एकूणच भरभराटीचा आजचा आपला दिवस आहे.