दिवाळीला हिंदूंसाठी विशेष महत्त्व आहे. या दिवशी लोक भगवान गणेश आणि धनाची देवी लक्ष्मीची पूजा करतात. पंचांगानुसार, यावर्षी दिवाळी सोमवार, २० ऑक्टोबर २०२५ रोजी साजरी केली जाईल. याआधीचा काळ ज्योतिषशास्त्रीय दृष्टिकोनातून खूप खास आहे, कारण या काळात महत्त्वाच्या ग्रहांच्या राशी आणि नक्षत्रांमध्ये बदल होत आहे. १५ सप्टेंबर २०२५ रोजी शुक्र सिंह राशीत प्रवेश केलाय. तो ९ ऑक्टोबरपर्यंत त्याच राशीत राहणार आहे. त्याआधी २९ मे रोजी केतू सिंह राशीत प्रवेश केला. तो २०२५ च्या अखेरपर्यंत त्या राशीत राहील.

तूळ

दिवाळीपूर्वी शुक्र-केतू युती तुटणे तूळ राशीच्या लोकांसाठी फायदेशीर ठरेल. काही काळापासून पूर्ण न झालेले कोणतेही काम यशस्वी होण्याची शक्यता आहे. याव्यतिरिक्त, नातेसंबंधांमध्ये प्रेम आणि आपुलकी वाढेल. काम करणाऱ्या लोकांना आर्थिक अडचणींचा सामना करावा लागणार नाही, उलट त्यांना गुंतवणुकीच्या सुवर्ण संधी हाती येतील.

धनु

शुक्र-केतू युती तुटणे देखील धनु राशीसाठी फायदेशीर ठरेल. जुनी गुंतवणूक नोकरी करणाऱ्या लोकांसाठी फायदेशीर ठरेल. तुम्हाला मालमत्ता खरेदी करावीशी वाटेल. तसेच तरुण लोक त्यांच्या करिअरमध्ये नवीन उंची गाठू शकतात. दिवाळीपूर्वी घरात शांतता राहील आणि जुने वाद मिटतील.

मीन

तुळ आणि धनु राशीव्यतिरिक्त, शुक्र-केतू युती तुटल्याने मीन राशीच्या लोकांच्या जीवनातही स्थिरता येणार आहे. नोकरी करणारे लोक त्यांच्या कामात मेहनती असतील आणि सहकाऱ्यांशी संघर्ष टाळतील. स्वतःचा व्यवसाय असलेले लोक आर्थिक लाभाच्या मार्गातील अडथळ्यांवर मात करतील.