Shukraditya Rajyog: 9 ऑक्टोबरपासून 'या' राशींचं नशीब फळफळणार; शुक्रादित्य राजयोगामुळे मिळणार पैसा

वैदिक ज्योतिषशास्त्रानुसार गुरु शुक्र हे प्रेम, आकर्षण, संपत्ती, वैभव, भौतिक सुख सुविधा, सौंदर्य आणि विवाह यांचा प्रमुख कारक मानलं जातात. त्यामुळे शुक्राच्या स्थितीमध्ये होणारा कोणताही बदल हा बारा राशींच्या जीवनावर काही ना काही प्रकारे प्रभाव टाकतोच.

ऑक्टोबर महिन्यात शुक्र आपल्या नीच राशी म्हणजे कन्या राशीत प्रवेश करणार आहेत. सध्या या राशीत सूर्य आधीपासूनच स्थित आहे. त्यामुळे या दोन ग्रहांच्या संयोगातून शुक्रादित्य योगाची निर्मिती होणार आहे. हा राजयोग तयार झाल्यामुळे काही राशींच्या जातकांसाठी हे दिवस विशेष फलदायी ठरू शकतात. व्यवसाय, नोकरी आणि वैयक्तिक जीवनात काही ठोस सकारात्मक बदल अनुभवायला मिळू शकतात.

वैदिक गणनेनुसार, शुक्र ९ ऑक्टोबर रोजी सकाळी १० वाजून ५५ मिनिटांनी कन्या राशीत प्रवेश करणार आहेत. सूर्य आणि शुक्र यांचा हा संयोग १७ ऑक्टोबरपर्यंत राहणार आहे. त्यानंतर सूर्य तुला राशीत प्रवेश करतील आणि हा योग समाप्त होणार आहे.

वृषभ राशी

या राशीच्या पंचम भावात शुक्रादित्य योगाची निर्मिती होणार आहे. त्यामुळे वृषभ राशीच्या व्यक्तींना प्रेमसंबंध, वैवाहिक जीवन आणि संततीसंबंधी बाबतीत चांगले परिणाम दिसून येणार आहेत. दांपत्य जीवनातील जुन्या तणावांचा शेवट होऊन संबंध अधिक सौहार्दपूर्ण होण्याची शक्यता आहे. विद्यार्थ्यांना त्यांच्या मेहनतीचे फळ मिळू शकते.

सिंह राशी

सिंह राशीत हा योग दुसऱ्या भावात निर्माण होणार आहे. या राशीच्या व्यक्तींमध्ये कला, संगीत यांच्यात अधिक रस निर्माण होईल. कुटुंबातील नातेसंबंध अधिक घट्ट होणार आहेत. घरातील वातावरण आनंदी राहणार आहे. दीर्घकाळापासून सुरू असलेले अडथळे दूर होतील आणि कामकाजात गती येईल.

मकर राशी

मकर राशीच्या नवव्या भावात सूर्य–शुक्राचा संयोग होणार आहे. त्यामुळे हा कालावधी या राशीसाठी अतिशय भाग्यवर्धक ठरू शकणार आहे. नशिबाची साथ मिळणार आहे. घरात कोणतंही शुभकार्य होण्याची शक्यता आहे. करिअर किंवा व्यवसाय क्षेत्रात मेहनतीनुसार, योग्य फळ मिळणार आहे. लव्ह लाइफ देखील आनंदी राहणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)