वैदिक ज्योतिषानुसार ग्रह सतत हालचाल करतात आणि कधी कधी एकत्र येऊन त्रिग्रही किंवा चतुर्ग्रही योग तयार करतात. अशा वेळेला त्याचा परिणाम केवळ माणसांच्या जीवनावरच नाही तर देश-परदेशातही जाणवतो. असाच ऑक्टोबर महिन्यात एक महत्त्वाचा त्रिग्रही योग तयार होणार आहे.

३ ऑक्टोबर रोजी बुध तुला राशीत प्रवेश करणार आहे. त्यानंतर १३ ऑक्टोबरपर्यंत मंगळही तुला राशीत असेल. या काळात १७ ऑक्टोबरला सूर्य तूळ राशीत प्रवेश करेल आणि १९ नोव्हेंबरपर्यंत तिथेच राहणार आहे. सूर्याच्या प्रवेशाने तुला राशीत सूर्य, बुध आणि मंगळ अशी त्रिग्रही युती होईल. या योगामुळे काही राशींवर खास प्रभाव पडणार आहे.

वृश्चिक राशि

वृश्चिक राशीसाठी हा योग अत्यंत लाभदायी ठरू शकतो. हा योग धनभावात होत असल्याने अनपेक्षित धनलाभ होण्याची शक्यता आहे. आर्थिक परिस्थिती मजबूत होईल, गुंतवणुकीतून फायदा मिळेल. नोकरी करणाऱ्यांना मानसिक शांतता मिळेल आणि सहकाऱ्यांशी नातेसंबंध सुधारतील.

कर्क राशि

कर्क राशीसाठी हा त्रिग्रही योग चौथ्या भावात होत असल्याने घरगुती आणि भौतिक सुखांचा आनंद वाढणार आहे. विद्यार्थ्यांचा आत्मविश्वास टिकून राहणार आहे. नोकरी करणाऱ्यांच्या कामगिरीत सुधारणा होणार आहे. आई-वडील आणि सासरच्या मंडळींबरोबरचे संबंधही या काळात घट्ट होतील.

तुला राशि

तुला राशीसाठी सूर्य, बुध आणि मंगळाची ही महायुती विशेष लाभदायी ठरणार आहे. हा योग लग्न भावात होत असल्याने आत्मविश्वास वाढणार आहे. व्यक्तिमत्त्व आकर्षक बनेल आणि समाजात तुमचं नाव वाढणा. विवाहित व्यक्तींना वैवाहिक आयुष्यात समाधान मिळणार आहे. प्रेमसंबंधांमध्ये गोडवा येईल आणि अविवाहित लोकांना नातेसंबंध जुळण्याची संधी मिळेल.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)