मुंबई: मालिका (Serial) किंवा चित्रपटांपेक्षा ओटीटी (OTT) वेबसीरीज प्रेक्षकांच्या जास्त पसंतीस उतरत आहेत. त्यामुळे वेबसीरीज निर्माते वेगवेगळ्या आशयाच्या कथा घेऊन येत असतात. 'दुरंगा' (Duranga) अशीच एक वेगळा आशय असलेली वेबसीरीज आहे. 'दुरंगा सीझन 1', लोकप्रिय कोरियन शो 'फ्लॉवर ऑफ एव्हिल'चा भारतीय रिमेक आहे. 'दुरंगा' ही वेबसीरीज 19 ऑगस्ट 2022 रोजी प्रदर्शित झाली होती. जबरदस्त ट्विस्ट आणि टर्न असलेली ही वेबसीरीज प्रेक्षकांचे मनोरंजन करण्यात यशस्वी झाली आणि 'झी5 ओरिजिनल्स'वरील सर्वाधिक पाहिला जाणारी वेबसीरीज बनली.

या वेबसीरीजला मिळालेल्या उत्तुंग यशामुळे आता 'दुरंगा - टू शेड्स ऑफ अ लाय'चा दुसरा सीझन येणार असल्याची चर्चा सध्या सुरू आहे. 'दुरंगा सीझन 1' 'झी5' द्वारे ऑगस्ट महिन्यात प्रदर्शित करण्यात आला होता आणि त्याच महिन्यात 20 दशलक्षाहून अधिक व्ह्यूज वेबसीरीजला मिळाले आहेत. 'दुरंगा'ने यावर्षी ओटीटी प्लॅटफॉर्मवरील सर्व रेकॉर्ड मोडित काढले आहेत. 2022 मध्ये हा 'झी5 ओरिजिनल्स'वरील (Zee5 Originals) सर्वाधिक पाहिला जाणारा शो बनला आहे. सीझन 1 चे यश साजरे करण्यासोबतच सीझन 2 ची घोषणाही करण्यात आली आहे. गुलशन देवय्या, दृष्टी धामी, अमित साध, बरखा सेनगुप्ता आणि राजेश खट्टर यांच्यासह निर्माते, गोल्डी बहल आणि श्रद्धा बहल सिंग दिसणार आहेत.

रोझ ऑडिओ व्हिज्युअल्सद्वारे निर्मित, सीझन 1 एक इंटरेस्टिंग नोटवर संपला होता आणि आता निर्माते चाहत्यांसाठी सस्पेन्स, थ्रिल आणि ट्विस्ट, टर्नने भरलेला सीझन 2 आणण्यासाठी सज्ज आहेत. 'दुरंगा सीझन 1'मध्ये अमित साध (Amit Sadh) पाहूणा कलाकार म्हणून पहिल्या सीझनमध्ये दिसला होता, सीझन २ मध्ये त्याच्या चाहत्यांना तो एका उत्तम भूमिका साकारताना दिसणार आहे.

'दुरंगा' एक प्रेमकथा आहे, ज्यामध्ये संमित पटेल (गुलशन देवैया) आदर्श माणूस, वडील आणि पती म्हणून आपल्याला दिसत आहे. तथापि, हा माणूस खरोखरच चांगला आहे का? दरम्यान, संमितची इन्स्पेक्टर पत्नी, इरा (दृष्टी धामी), मनोरुग्ण सिरीयल किलर बालाच्या संशयित साथीदाराने केलेल्या आत्महत्येनंतर वीस वर्षांनी खुनाचा तपास सुरू करते. या प्रकरणामुळे इराला तिच्या पतीच्या भूतकाळाबद्दल धक्कादायक गोष्टी समोर येतात आणि एक आदर्श कुटुंब नष्ट करण्याची धमकी येते. पहिल्या सीझनचा थरार पाहिल्यानंतर प्रेक्षकांना दुसऱ्या सीझनमध्ये होणाऱ्या धमक्यांची प्रतीक्षा आहे.