मुंबई: सलमान (Salman Khan) आपल्या वाढदिवसाच्या दिवशी त्याच्या चाहत्यांकरिता एक मोठे सरप्राईज देणार आहे. त्यामुळे सर्वच त्याचे चाहते त्या दिवसाची आतुरतेने वाट पाहत आहेत.

सलमान आपल्या वाढदिवसाच्या दिवशी एक डॉक्युमेंट्री प्रदर्शित (Documentary Release) करणार आहे. त्याच्या आयुष्यावर ही डॉक्युमेंट्री चित्रीत करण्यात आली आहे. त्याच्या आयुष्यातील अनेक अनुत्तरित प्रश्नांची उत्तरे आपल्याला मिळणार आहेत. त्या डॉक्युमेंट्रीवर अनेक दिवसांपासून काम सुरु आहे. सलमानच्या आगामी डॉक्युमेंट्रीचे नाव 'बियॉन्ड द स्टार' (Beyond The Star) असे आहे. त्याच्यासोबत अनेक चित्रपटांमध्ये काम केलेले कलाकार, त्याच्यासोबत नेहमीच राहणारा मित्रपरिवार डॉक्युमेंट्रीत दिसणार आहेत.

भाग्यश्री, दिशा पटानी, साजिद नाडियाडवाला, डेविड धवन, संजय लीला भन्साळी, सुभाष घई, सूरज बडजात्या असे अनेक दिग्गज मंडळी त्याच्या डॉक्युमेंट्रीत झळकणार आहेत. सोबतच हिमेश रेशमिया आणि कमाल आर खान सारखे कलाकार या डॉक्युमेंट्रीत दिसणार आहेत. अद्याप या डॉक्युमेंट्रीची प्रदर्शनाची तारीख निर्मात्यांनी जाहिर केलेली नाही परंतु, सलमान खानच्या वाढदिवसाच्या दिवशी अर्थात २७ डिसेंबरला प्रदर्शित होऊ शकते.

'पीटीआय' (PTI) या वृत्तसंस्थेने दिलेल्या माहितीप्रमाणे, सलमानच्या या डॉक्युमेंट्रीचा विषय त्याची मैत्रिण, रोमानिया देशातील अभिनेत्री यूलिया वंतूर हीने दिली होती. यामध्ये सलमानच्या आयुष्यातील प्रत्येक खास क्षण यामध्ये घेण्यात आला आहे.