सध्या बॉक्स ऑफिसवर 'वॉर 2' (War 2) आणि 'कुली' (Coolie ) दोन्ही चित्रपट धुमाकूळ घालत आहे. प्रेक्षक दोन्ही चित्रपटांची उत्सुकतेने वाट पाहत होते. 'वॉर 2' आणि 'कुली' चित्रपट काल (14 ऑगस्ट)ला रिलीज करण्यात आला आहे. बॉक्स ऑफिसवर 'वॉर 2' आणि 'कुली' मध्ये तगडी टक्कर पाहायला मिळत आहे. चित्रपटांचे पहिल्या दिवसाचे बॉक्स ऑफिस कलेक्शन जाणून घेऊया.

'वॉर 2' चित्रपट

'वॉर 2' चित्रपटात दोन सुपरस्टार आमने सामाने पाहायला मिळत आहे. साऊथचा सुपरस्टार ज्युनिअर एनटीआर (Junior ntr) आणि बॉलिवूडचा स्टार अभिनेता हृतिक रोशन (Hrithik Roshan) झळकले आहेत.'वॉर 2' हा एक ॲक्शन चित्रपट आहे. चित्रपटात बॉलिवूड अभिनेत्री कियारा अडवाणी ( Kiara Advani ) देखील आहे. ज्युनियर एनटीआर आणि हृतिक रोशनचा ॲक्शन मोड आणि कियारा अडवाणीचा ग्लॅमरस लूकने चित्रपटाला चारचाँद लावले आहे. 'वॉर 2' हा चित्रपट टायगर श्रॉफ आणि हृतिक रोशन यांच्या 2019 साली रिलीज झालेल्या 'वॉर' चा सिक्वेल आहे. चित्रपट सिद्धार्थ आनंद यांनी दिग्दर्शित केला आहे.

'वॉर 2' बॉक्स ऑफिस कलेक्शन दिवस 1

'वॉर 2' या स्पाय-अ‍ॅक्शन थ्रिलर चित्रपटाने पहिल्या दिवशी बंपर कमाई केली आहे. मीडिया रिपोर्टनुसार, 'वॉर 2' चित्रटाने ओपनिंग डे ला 52.50 कोटींचा व्यवसाय केला आहे. त्यामुळे भविष्यात हृतिक रोशन आणि ज्युनियर एनटीआरचा 'वॉर 2' रजनीकांत यांच्या 'कुली' चित्रपटाला तगडी टक्कर देणार आहे.

'कुली' चित्रपट

रजनीकांत (Rajinikanth ) यांच्या 'कुली' चित्रपटात तगडे कलाकार पाहायला मिळत आहे. चित्रपटात रजनीकांत यांच्यासोबत आमिर खान, नागार्जुन अक्किनेनी, श्रुती हसन आणि सत्यराज असे अनेक मोठे कलाकार झळकले आहेत. 'कुली' मध्ये रजनीकांत हे मुख्य भूमिकेत आहे. 'कुली'मधील आमिर खानचा कॅमिओ पाहायल मिळत आहे.'कुली' चित्रपट तमिळ, हिंदी, तेलुगु आणि कन्नड या भाषांमध्ये चित्रपट प्रदर्शित झाला आहे. चित्रपटाचे दिग्दर्शन लोकेश कनगराज यांनी केले आहे.

'कुली' बॉक्स ऑफिस कलेक्शन दिवस 1

मीडिया रिपोर्टनुसार, 'कुली'ने पहिल्या दिवशी भारतात अंदाजे 65 कोटी रुपये कमावले आहेत. परदेशात 75 कोटी रुपयांचा व्यवसाय केला आहे. चित्रपटाचे जगभरातील कलेक्शन सुमारे 140 कोटी रुपयांवर पोहोचले आहे. रिलीजच्या पहिल्या दिवशी रजनीकांत यांच्या 'कुली' चित्रपटाने हृतिक रोशनच्या 'वॉर 2' ला मागे टाकले आहे.